தனுசு:2022 மே மாத ராசி பலன்கள்

 

#adityagurujimonthlyrasipalan

ஜோதிடக்கலை அரசு ஆதித்யகுருஜி

கைப்பேசி : +91 8286 99 8888 

தனுசு:

பெரும்பாலான கிரகங்கள் தனுசுக்கு நல்ல பலனை தரக்கூடிய அமைப்பில்தான் இருக்கின்றன. அதிசாரம்தான் என்றாலும் தனாதிபதி சனி எப்போதோ ஒருமுறை மட்டுமே வரக்கூடிய மூன்றாமிடத்தில் இருக்கிறார். ஆனாலும் இப்போது பெரிய நன்மைகள் எதுவும் நடக்காது.  சனிக்கு மந்தன் என்று பெயர். ஆகவே தற்போது மூன்றாம் இடத்தில் இருக்கும் சனி இன்னும் ஆறு மாதங்கள் கழித்து முழுமையான பெயர்ச்சியை அடையும் போது உங்களுக்கு நல்ல பலன்களைத் தருவார். ஆகவே சனியின் நல்ல பலன்கள் கிடைப்பதற்கு தனுசுவினர் இன்னும் சில மாதங்கள் பொறுத்துத்தான் ஆக வேண்டும்.

இந்த மாதத்தில் சூரியன் உச்சமாக இருக்கிறார். செவ்வாயும் வலுவாக இருக்கிறார். எனவே உங்களுக்கு நல்ல மாதம்தான் இது. இளைய பருவத்தினருக்கு வேலையில் குறைகள்  இருக்கும். அலுவலகத்தில் பெண்களின் கீழ் வேலை பார்ப்பவர்கள் கவனமாக இருக்க வேண்டும். குறைகள் அனைத்தும் தெய்வ அருளால் தீரும். நடப்பவை அனைத்தும் உங்களின் எதிர்கால முன்னேற்றத்திற்கு உறுதுணையாக இருக்கும் என்பதால் எதையும் முழுமனதுடன் ஏற்றுக் கொள்ள வேண்டியிருக்கும். அரசு, தனியார்துறை ஊழியருக்கு மாறுதல்கள் இருக்கும். கலைஞர்களுக்கு வாய்ப்புகள் இருந்தாலும் வரும் வருமானம் விரயமாகும். அதிகாரம் செய்யும் அமைப்பில் இருப்பவர்கள் எதிலும் ரகசியம் காப்பது நல்லது. சிலர் ஆன்மீக விஷயங்களில் ஈடுபாடு காட்டுவீர்கள்.

கடந்த மாதம் வேலை, தொழில் போன்ற ஜீவன அமைப்புகளில் சிக்கல்களை சந்தித்தவர்கள், சொந்த வாழ்க்கையில் மனஅழுத்தம் தரும் நிகழ்வுகளை எதிர் கொண்டவர்கள், கடன்தொல்லை, வழக்கு போன்றவைகளால் நிம்மதி இழந்தவர்களுக்கு இனிமேல் நிம்மதி உண்டு. சகோதரர்களிடம் இருந்து வந்த  கருத்து வேற்றுமை விலகும். உடன் பிறந்தவர்களுடன் விட்டுக் கொடுத்து போகவும். உடல்நல விஷயத்தில் கவனமாக இருக்கவும். சிறு ஆரோக்கியக் குறைவு என்றாலும் கூட மருத்துவரை அணுகுவது நல்லது. உங்களில் சிலர் அதிகமாக யோசித்துச் செயல்படும் குணமுடையவர்கள் என்பதால் மனக் குழப்பத்தில் இருப்பீர்கள். ரிஸ்க் எடுக்கும் விஷயங்களை இந்த மாதம் செய்யக் கூடாது. அடுத்தவரை நம்பிச் செய்யக் கூடிய விஷயங்களையும் செய்ய வேண்டாம். காலை வாரும் சம்பவங்கள் இருக்கும். சிறு விஷயங்களில் கூட கவனம் அதிகமாக தேவைப்படும்.

2,5,11,13,15,21,22,24,25,28,30 ஆகிய நாட்களில் பணம் வரும். 7 ம் தேதி அதிகாலை 5.34 மணி முதல் 9ம் தேதி மாலை 5.07 மணி வரை சந்திராஷ்டம நாட்கள் என்பதால் புதிய முயற்சிகளோ நீண்ட தூரப் பிரயாணங்களோ வேண்டாம். யாருடனும் வாக்குவாதமோ சண்டையோ செய்யாதீர்கள்.

அலுவலக நேரம்: 10:00 AM - 6:00 PM 

தொடர்பு எண்கள் செல்: +91 9768 99 8888, 8286 99 8888, 8870 99 8888, 8681 99 8888 +91 44 2435 8888, +91 44 4867 8888

குருஜி அவர்களின் கட்டுரை மற்றும் ராசிபலன்களை whatsapp ல் பெற  +91 8428 99 8888 என்ற எண்ணிற்கு தகவல் தரவும்.