பிரதமர் மோடியின் உண்மையான ஜாதகம்...D-072

ஜோதிடக்கலை அரசு ஆதித்யகுருஜி

கைப்பேசி : 9768 99 8888

பிரதமர் மோடி, ஒருமுறை சந்நியாசம் பெறும் பொருட்டு, தீட்சை பெற ஒரு துறவியிடம் சென்ற போது, அவர் தடுத்து “உனக்கு சந்நியாசம் தேவையில்லை, ஜாதகப்படி நீ ராஜ சந்நியாசியாக ஆவாய்” என்று ஆசீர்வதித்து திருப்பி அனுப்பியதாக படித்திருக்கிறேன்.

இது உண்மையா, பொய்யா என்று எனக்குத் தெரியாது. ஆனால் பிரதமர் தனிப்பட்ட வாழ்வில் கிட்டத்தட்ட ஒரு சந்நியாச வாழ்க்கைதான் வாழ்ந்து வருகிறார் என்பது அவரை விமர்சிப்பவர்கள் கூட ஏற்றுக்கொண்ட ஒரு உண்மை. இதுவரை பதவி வகித்த பிரதமர்களைப் போல அவருக்கென்று ஒரு குடும்பம் இல்லை. உறவினர்களையும் அவர் அருகில் வைத்துக் கொண்டதில்லை.

ராஜ அதிகாரம் தரும் பவுர்ணமி நிலை..D-071

ஜோதிடக்கலை அரசு ஆதித்யகுருஜி

கைப்பேசி : +91 9768 99 8888

கடந்த அத்தியாயங்களில் பதவிக்காலத்தை முழுக்க முடித்த, ஐந்தாண்டு காலத்திற்கு மேல் பிரதமர் பதவியை வகித்தவர்களின் ஜாதக அமைப்புகளைப் பார்த்தோம். தற்போது சில மாதங்கள் மட்டுமே பிரதமர் பதவியில் இருந்த இருவரின் ஜாதக நுணுக்கங்களைப் பார்க்கலாம்.

சிம்மமும், சூரியனும் வலுவாக இருப்பது மட்டுமே மிகப்பெரிய பதவியை வகிப்பதற்கான முதன்மை ஜோதிட விதி என்பதை ஏற்கனவே விளக்கியிருந்தேன். இதுவரை நாம் பார்த்த முன்னாள் பிரதமர்கள் அனைவரின் ஜாதகங்களிலும் இந்த விதி முழுமையாக பொருந்தி வருவதை நீங்கள் கவனித்திருக்கலாம்.

திடீர் அதிர்ஷ்டம் தரும் விபரீத ராஜயோகம்..! D-070

ஜோதிடக்கலை அரசு ஆதித்யகுருஜி

கைப்பேசி : +91 9768 99 8888

முன்னாள் பிரதமர் திரு. மன்மோகன் சிங் அவர்களின் ஜாதக விளக்கத்தில் உங்களுக்கு சில சந்தேகங்கள் இருப்பதை தொலைபேசி அழைப்புகள் மற்றும் பின்னூட்டங்களிலிருந்து அறிகிறேன். குறிப்பாக நான் அடிக்கடி குறிப்பிடும் ராஜயோகம் எதுவும் மன்மோகன் உள்ளிட்ட சில உதாரண ஜாதகங்களில் இல்லையே என்றும் சிலர் கேட்டிருக்கிறீர்கள்.

ஜோதிடம் என்பது பலவிதமான விதிகளை கொண்டது. இங்கே மூலக்கருத்து மட்டுமே நிரந்தரமானது. அதை மட்டும்தான் நாம் எடுத்துக் கொள்ள வேண்டும். மேம்போக்காக பார்க்கும்போது சில ஜாதகங்களில் யோகங்கள் இருக்கலாம், அல்லது இல்லாமல் இருக்கலாம். சாதித்துக் காட்டிய உண்மையான ராஜயோக ஜாதகங்களில், உள்ளுக்குள் ஒளிந்திருக்கும் அரச யோக அமைப்புகள் அனைத்தும் நமக்குத் தெரிய வேண்டும் என்கின்ற அவசியமில்லை.

பிரதமர் பதவிக்கான ஜோதிட விதிகள்...D-069

ஜோதிடக்கலை அரசு ஆதித்யகுருஜி

கைப்பேசி : +91 9768 99 8888

பிரதமரின் தற்போதைய போட்டியாளரும், எதிர்காலத்தில் பிரதமராக வருவார் என்று எதிர்பார்க்கப்படும் திரு.ராகுல்காந்தி மற்றும் அவரது தந்தையான ராஜீவ் காந்தியின் ஜாதகங்களை சென்ற வாரம் பார்த்தோம். அவர்களுக்கு முன் இந்தியாவின் மகாராணியாக இருந்த அன்னை. இந்திராகாந்தி அவர்களின் ஜாதக விளக்கத்தை தற்போது பார்க்கலாம்.

ஜோதிடம் என்பது மிகப்பெரிய, உன்னத சமன்பாடுகளை உள்ளடக்கியது. இங்கே குத்துமதிப்பான அல்லது அருள்வாக்கு சொல்வது போன்ற எவற்றிற்கும் இடமில்லை. விதிகளைப் புரிந்து கொண்டால் இங்கே அனைத்தும் சுலபம்தான். ஜோதிடத்தின் உயர்நிலைப் புரிதல் என்று நான் குறிப்பிடும் சுபத்துவம், மற்றும் சூட்சுமவலுவினை ஒருவர் தெளிவாகப் புரிந்து கொள்ளும் பட்சத்தில் பிரதமர் போன்ற அதி உச்ச பதவிக்கான விதி அமைப்புகளையும் புரிந்து கொள்ள முடியும்.

ராகுல் காந்தி பிரதமர் ஆவாரா..? D-068

ஜோதிடக்கலை அரசு ஆதித்யகுருஜி

கைப்பேசி : +91 9768 99 8888

எதிர்காலத்தில் பாரதப் பிரதமர் ஆவார் என்று எதிர்பார்க்கப்படும் திரு ராகுல் காந்தி அவர்களின் ஜாதக விளக்கத்தைப் பார்த்துக் கொண்டிருக்கிறோம்.

ராகுல்காந்தி மிக இளம் வயதான 21 வயதிலேயே தனது தந்தையை இழக்க நேரிட்டது. அப்போது ஜாதகப்படி இவருக்கு சுக்கிர தசையில், சனி புக்தி நடந்து கொண்டிருந்தது. புக்தி நாதனான சனி நீச்சம் பெற்று ஒன்பதாம் இடத்தையும், அதிலுள்ள பிதுர் காரகன் சூரியனையும் பார்க்கிறார். ஒன்பதாமிடத்தில் சனி, செவ்வாய் தொடர்பு ஏற்படுவது இளம் வயதிலேயே தந்தையை இழக்கும் அமைப்புத்தான்.

ராகுல் காந்தி ஜாதக விளக்கம்...D-067

ஜோதிடக்கலை அரசு ஆதித்யகுருஜி

கைப்பேசி : +91 9768 99 8888

பல்வேறு விதமான பிறந்த நாள் மற்றும் நேரங்களைக் கொண்டு விளக்கப்படும் பிரதமர் மோடி அவர்களின் ஜாதகங்களில் எது உண்மையான ஜாதகம் என்பதை ஒரு ஜோதிட ஆய்வுக்காக எடுத்துக் கொண்டு, அதிகாரம் உள்ளவரின் ஜாதகம் எப்படி இருக்க வேண்டும் எனும் ஜோதிட விதிகளோடு இதனை ஒப்பிட்டுப் பார்த்துக் கொண்டிருக்கிறோம்.

சென்ற அத்தியாயத்தில் தற்போது மத்திய மந்திரியாக இருக்கும் ஒருவரின் ஜாதகத்தையும், ஏற்கனவே மத்திய மந்திரியாக இருந்தவரின் ஜாதகத்தையும் ஒப்பிட்டு, அதில் ஜோதிடம் சொல்லும் விதிகளையும், செப்டம்பர் 17, 1950, காலை 11 மணிக்கு பிறந்ததாக குறிப்பிடப்படும் மோடி அவர்களின் ஜாதகத்திற்கும் உள்ள வித்தியாசங்களையும் தெளிவுபடுத்தியிருந்தேன்.

அரசியல்வாதியின் ஜாதக விளக்கங்கள்... D-066

ஜோதிடக்கலை அரசு ஆதித்யகுருஜி

கைப்பேசி : +91 9768 99 8888

பாரம்பரிய ஜோதிட விதிகள் என்றும் மாறாதவை. இந்த விதிகளை எந்த ஒரு நிலையிலும் நம் இஷ்டம் போல வளைத்துக் கொள்ள முடியாது. ஒருவர் இப்படிப்பட்ட நிலையில் இருக்க வேண்டும் எனில், அதற்கான மூல விதிகள் இந்த தெய்வீக சாஸ்திரத்தில் தெளிவாகவே சொல்லப்பட்டிருக்கின்றன.

உதாரணமாக ஒருவர் டாக்டராக வேண்டுமெனில், அவரது ஜாதகத்தில் முதன்மை நிலையில் செவ்வாய் சுபத்துவமாகவும், ஒருவர் வக்கீலாக வேண்டுமெனில் அவரது ஜாதகத்தில் சனி அதிக சுபத்துவமாகவும், சொல்லிக் கொடுக்கும் நிலையில் ஒருவர் இருக்க வேண்டுமெனில் குரு உயர்நிலையிலும், ஜோதிடராக வேண்டுமெனில் புதன் வலுத்தும் இருக்க வேண்டும் என்பது விதி.

பிரதமரின் மோடியின் ஜாதக விளக்கம்...D-065

ஜோதிடக்கலை அரசு ஆதித்யகுருஜி

கைப்பேசி : +91 9768 99 8888

பெரும்பாலான ஜோதிடர்கள் பிரதமரின் ஜாதகம் என்று சொல்லும் கீழ்கண்ட ஜாதகத்தின் உண்மை நிலை விளக்கங்களை இன்னும் பார்க்கலாம்..  

மேலே குறிப்பிட்ட ஜாதகத்தில் நான்கு கிரகங்கள் ராசிசந்தியில் இருக்கின்றன. “ராசிசந்தி” எனப்படும் இரண்டு ராசிகள் இணையும் இடத்தில் இருக்கும் கிரகங்கள் நற்பலன்களைத் தராது என்பது பாரம்பரிய ஜோதிடத்தின் ஒரு முக்கியமான விதி.

பிரதமர் மோடி அவர்களின் ஜாதகம் என்று இணையதளத்தில் விவாதிக்கப்படும் இந்த ஜாதகத்தில் நான்கு கிரகங்கள் ஒரு டிகிரிக்கும் குறைவான ராசி சந்தி அமைப்பில் இருக்கின்றன. மிக முக்கியமாக ஒருவருக்கு ஆளுமைத் திறனைக் கொடுக்கக் கூடிய சூரியன் சிம்ம ராசியை விட்டு கன்னிக்குள் நுழைந்து ஒரு டிகிரி கூட முழுமை பெறாமல் 35 கலையில் இருக்கிறார்.

பிரதமருக்கு நீச்சபங்க ராஜயோகம் இருக்கிறதா..? D-064

ஜோதிடக்கலை அரசு ஆதித்யகுருஜி

கைப்பேசி : +91 9768 99 8888

சென்ற அத்தியாயத்தில் பாரதப் பிரதமர் திரு. நரேந்திரமோடி அவர்களின் இருவேறு பிறந்த நாள் விபரங்களைக் கொண்ட ஜாதகங்களைப் பார்த்தோம். இதில் எது உண்மையான ஜாதகமாக இருக்கக் கூடும் அல்லது இரண்டுமே தவறானதாக இருக்குமா என்பதை ஜோதிட விதிகளை வைத்து தற்போது ஆராயலாம்.

பொதுவாக எவ்விதப் பின்னணியும் இல்லாத, நடுத்தர வர்க்கக் குடும்பத்தில் பிறந்து, தன்னுடைய உழைப்பினாலும், பரம்பொருளின் ஆசியினாலும் முன்னேறி உயர்நிலைக்கு வந்திருக்கும் அனைத்து பிரபலங்களின் ஜாதகங்களும் நம்பகத்தன்மை இல்லாதவைதான். சில நிலைகளில் சம்பந்தப்பட்டவர்களுக்கே அவர்களது பிறந்த நாள் விபரங்கள் துல்லியமாகத் தெரியாது.

பிரதமர் மோடியின் உண்மையான ஜாதகம் எது..? D-063

ஜோதிடக்கலை அரசு ஆதித்யகுருஜி 

கைப்பேசி : 8681 99 8888

பாரதப் பிரதமர் திரு. நரேந்திர மோடி அவர்களின் ஜாதகத்தில் உள்ள யோகங்களை விரிவாக விளக்கி எழுத வேண்டுமென்று ஏராளமான வேண்டுகோள்கள் எனக்கு வந்திருக்கின்றன.

அரசியல் தலைவர்களின் ஜாதகங்களில் எம்ஜிஆர், கலைஞர், ஜெயலலிதா ஆகிய மூவரின் ஜாதகங்களை மட்டுமே இதுவரை நான் விளக்கியிருக்கிறேன். அதிலும் எம்ஜிஆர் அவர்கள் உயிரோடு இருந்த காலத்திலேயே ஜோதிடர்களால் விளக்கப்பட்ட அவரது ஜாதகம் தவறானது என்றும், இதுபோன்ற ஒரு ஜாதகத்தைக் கொண்ட ஒருவர் தமிழ்நாட்டு முதல்வராக வந்திருக்க வாய்ப்பில்லை என்றும் சொல்லி வந்திருக்கிறேன்.

மகா பெரியவர் ஜாதகம்...D-062

ஜோதிடக்கலை அரசு ஆதித்யகுருஜி 

கைப்பேசி : 8681 99 8888

“தெய்வம் மனுஷ்ய ரூபனா” என்ற அமரத்துவ வரிகள், தேவமொழியான சம்ஸ்க்ருதத்தில் இருக்கிறது இதற்கு “தெய்வம் மனித உருவத்தில் உள்ளது” என்று பொருள்.

மேற்கண்ட வரிகளுக்கு ஒரு கண்கண்ட உதாரணமாக, நம்மைப் போலவே ஒரு சராசரி மனிதனாகப் பிறந்து, நம் கண்முன்னே, தெய்வமாக வாழ்ந்து காட்டி, அவர் பின்பற்றிய மதத்தோடு மாற்றுக் கருத்து கொண்டவர்களும் அவரை மனதார மகாபெரியவர் என்று சொல்லும் அளவிற்கு ஒரு அவதார புருஷராக மாறி, மறைந்தவரின் ஜாதகத்தை இப்போது பார்க்கலாம்.

எப்பொழுதுமே எனக்கு மிகவும் உறுதியாகத் தெரியும், நான் நம்பும் விஷயங்களை மட்டுமே என்னைப் பின்பற்றுபவர்களுக்கும், எனது மாணவர்களுக்கும் சொல்வதும், எழுதுவதும் என் வழக்கம்.

கோடீசுவரனை பிச்சைக்காரனாக்கும் அமைப்பு...D-061

ஜோதிடக்கலை அரசு ஆதித்யகுருஜி 

கைப்பேசி : 8681 99 8888

ஆரம்பகால ஜோதிட ஆர்வலர்களைப் போலவே நானும் ஒரு கிரகத்தின் நீச்சம் என்பது மிகவும் வலிமை இழந்த நிலை எனவும், ஒரு ஜாதகத்தில் நீச்ச கிரகமே இருக்கக் கூடாது என்றும் நினைத்துக் கொண்டிருந்தேன்.

மிக முக்கியமாக லக்னாதிபதி கிரகம் நீச்சம் அடைந்தால் வாழ்க்கையே அவ்வளவுதான் எனவும் பயமுறுத்தப்பட்டிருந்தேன். நான் பிறந்தபோது கிராமத்தில் எழுதப்பட்டிருந்த வாக்கியப் பஞ்சாங்க ஜாதகத்தின்படி என் லக்னாதிபதி புதன் பதினொன்றாமிடத்தில் இருந்தது. மிக இளம்வயதில் வாக்கியத்தின்படி புதன் 11ல் இருப்பதே உண்மை என்று மனதைத் தேற்றிக் கொண்டேன்.

அனுபவமும், ஞானமும் உயர உயரவே ஒரு கிரகத்தின் நீச்சம் பற்றிய தீர்க்கமான விஷயங்கள் புரிய ஆரம்பித்தன. அதிலும் மிக நுணுக்கமாக நீச்ச பங்கத்திற்கும், நீச்சபங்க ராஜயோகம் என்பதற்கும் உள்ள நுண்ணிய வேறுபாடுகள் புரிய ஆரம்பித்தது.

ஆயுள் முடியும் காலகட்டம் எது..?D-060

ஜோதிடக்கலை அரசு ஆதித்யகுருஜி 

கைப்பேசி : 8681 99 8888

ஜோதிடனாக இருப்பதில் உள்ள மிகப் பெரிய தர்மசங்கடங்களில் ஒன்று, ஒருவரின் எதிர்காலம் கடுமையாக உள்ளதை முன்கூட்டியே அறிவது அல்லது அவரது ஆயுள் முடிய இருப்பது முன்னரே தெரிய வருவது என்று சொல்லலாம்.

அதிலும் நம்முடைய நெருங்கிய உறவினருக்கோ அல்லது நமக்கு மிகவும் பிடித்தமான ஒருவருக்கோ மிகக் கெடுதலான ஒரு சம்பவம் நடக்க இருக்கிறது என்பதை நீங்கள் முன்கூட்டியே அறிய நேரும்போது உங்களின் மனநிலை எப்படி இருக்கும் என்பதைச் சொல்ல வேண்டியதில்லை.

அதைவிட மேலாக அந்தச் சம்பவம், எப்படி, எப்போது நடக்கும் என்பதை மேற்கொண்டு கணித்து அறியக் கூட உங்கள் மனம் துணியாது. என் தம்பியின் மரணத்தைப்பற்றி முன்கூட்டியே அறிய நேரும்போது என்னுடைய மன நிலைமையும் இவ்வாறுதான் இருந்தது.

ஆயுள் முடிவதை அறிய முடியுமா?...D-059

ஜோதிடக்கலை அரசு ஆதித்யகுருஜி 

கைப்பேசி : 8681 99 8888

ஜோதிடத்தின் மூலக்கிரகமான புதன் இந்த ஜாதகத்தில் நீச்ச நிலையில் இருந்தாலும், சந்திரனுக்கு கேந்திரத்திலும், லக்ன கேந்திரத்திலும் இருக்கிறார். ராசியிலும், நவாம்சத்திலும் ஒரே இடத்தில் இருக்கும் வர்கோத்தம நிலை பெற்று, அம்சத்தில் குருவின் வீட்டில் சுபத்துவமாக இருக்கிறார்.

ஒரு கிரகம் நீச்சபங்கம் அடைவதையும், நீச்சத்தின் உயர்நிலையான நீச்சபங்க ராஜயோக நிலையை அடைவதையும் ஏற்கனவே நான் வேறுபடுத்திச் சொல்லியிருக்கிறேன். அதன்படி இங்கே புதன் தன்னுடைய நண்பரான உச்ச சுக்கிரனுடன் இணைந்து, நீச்சபங்க ராஜயோகம் எனும் உயர்நிலையை அடைந்திருக்கிறார்.

ஜோதிடருக்கான கிரக நிலைகள்...D-058

ஜோதிடக்கலை அரசு ஆதித்யகுருஜி

கைப்பேசி : 8681 99 8888

ஒருவர் தொழில்முறை ஜோதிடராக வேண்டுமாயினும், ஜோதிடத்தில் அவருக்கு ஆர்வம் உண்டாக வேண்டும் என்றாலும், அவரது ஜாதகத்தில் புதன் மிகுந்த சுபத்துவம் பெற்றிருக்க வேண்டும்.

ஜோதிடத்திற்கான மூலக் கிரகங்கள் புதன், குரு மற்றும் கேது ஆகும். ஜோதிடம் என்பது ஒரு விஞ்ஞானரீதியிலான கலையாக இருந்தாலும் ஒருவகையில் இங்கே மெய்ஞானத்தோடு தொடர்புபடுத்தப்பட்டிருப்பதால், ஆன்மீகத்தின் முதல் மற்றும் மூன்றாம் நிலைக் கிரகங்களான குருவும், கேதுவும் இங்கே ஜோதிடத்தோடு சம்பந்தப்படுகின்றன.

ஜோதிடத்தில் எதையும் முன்பே சொல்ல முடியுமா?...D-057

ஜோதிடக்கலை அரசு ஆதித்யகுருஜி 

கைப்பேசி : 8681 99 8888

“சுக்கிரனின் பாப காரகத்துவம்” கட்டுரையில் உதாரணமாகக் காட்டப்பட்ட ஆட்டிசம் குறைபாடுள்ள குழந்தையின் ஜாதகத்தைப் பற்றி பேஸ்புக்கில் ஒரு கேள்வி எழுப்பப்பட்டிருக்கிறது.

“உங்களுக்கு அந்தக் குழந்தைக்கு ஆட்டிஸம் இருப்பது முன்னமே தெரியும். எனவே அதன் ஜோதிடக் காரணங்களை எளிதில் சொல்லிவிட முடிகிறது. ஜோதிடத்தில் இருக்கின்ற ஏராளமான விதிகள் எதற்குப் பயன்படுகிறதோ இல்லையோ, காரணங்களைச் சொல்வதற்கு எளிமையாக பயன்பட்டு விடுகிறது. இதுபோன்ற ஜாதகத்தைக் கொடுத்து, முன்பின் விவரங்கள் தெரியாத நபருக்கு இவருக்கு ஆட்டிஸம் இருக்கிறது என்பதைச் சொல்ல முடியுமா? அப்படி நீங்கள் யாருக்காவது சொன்ன அனுபவம் உண்டா?” என்பதே அந்தக் கேள்வி.

சனி, செவ்வாயின் சுபத்துவ, சூட்சும வலு...D-056

ஜோதிடக்கலை அரசு ஆதித்யகுருஜி

கைப்பேசி:8681 99 8888

பாபக் கிரகங்களான சனி, செவ்வாயின் சுபத்துவ சூட்சும நிலைகளைப் பற்றி ஏற்கனவே “ஜோதிடம் எனும் தேவரகசியம்” கட்டுரைகளில் விளக்கியிருக்கிறேன்.

ஒரு கிரகத்தின் “சுபத்துவம்” என்பது அந்தக் கிரகம் மனிதனுக்கு நன்மை செய்யும் அமைப்பில் இருப்பது என்று பொருள்படும். சுப ஒளி பொருந்திய கிரகங்களே மனிதனுக்கு தேவைப்படும் நன்மைகளைத் தரும் தகுதிகளை பெறுகின்றன.

சுபக் கதிர்கள் இல்லாத கிரகங்கள், பாபர்கள் எனவும், மனிதனுக்கு நன்மை செய்ய இயலாத தீய செயல்பாடுகளை கொண்டவைகளாகவும் ஜோதிடத்தில் நமக்கு பிரித்துச் சொல்லப்பட்டிருக்கின்றன.

சுக்கிரனின் பாப காரகத்துவம்...D-055

ஜோதிடக்கலை அரசு ஆதித்யகுருஜி

கைப்பேசி : 8681 99 8888

சென்ற வாரக் கட்டுரையில் குறிப்பிடப்பட்ட ஆட்டிசம் குழந்தையின் ஜாதகத்தை நுணுக்கமாக கவனித்தால், இங்கே குழந்தையின் லக்னாதிபதியைக் குரு பார்ப்பது லக்னாதிபதியின் உயிர்க்காரகத்துவத்தை மேம்படுத்துமே தவிர ஜடக் காரகத்துவத்தை அல்ல.

இந்த ஜாதகத்தில் லக்னாதிபதி சனி, நீச்ச பங்கம் அடையாத சூரியனின் கடும் பகை வீட்டில் அமர்ந்து, அம்சத்தில் சூரியனோடு இணைந்து, அமாவாசையை நோக்கிப் போய்க் கொண்டுள்ள இருள் சந்திரனோடு இணைந்திருக்கிறார். இது லக்னத்தை கடுமையாகப் பாழ்படுத்தியுள்ள ஒரு அமைப்பு.

துல்லிய விதிகள் ஜோதிடத்தில் உண்டா?...D-054

ஜோதிடக்கலை அரசு ஆதித்யகுருஜி

கைப்பேசி : 8681 99 8888

கிரகங்களின் சுப-பாப ஒளித்தன்மையைப் பொருத்தே ஒரு மனிதனின் ஆயுள் மற்றும் அவனது வாழ்க்கைத்தரம் அமைகிறது.

சுப கிரகங்கள் என்று சொல்லப்படும் குரு, சுக்கிரன், வளர்பிறைச் சந்திரன், தனித்த புதன் ஆகிய கிரகங்களின் ஒளியின் அளவு அதிகபட்ச நிலையிலிருந்து, அந்த ஒளித்தன்மை லக்னம், ராசியோடு சம்பந்தப்பட்டிருக்கும் நிலையில் பிறக்கும் மனிதன், நீண்ட ஆயுளையும், நீடித்த செல்வத்துடன் கூடிய வாழ்க்கை அமைப்பையும் பெறுகிறான்.

மனித வாழ்க்கையை 12 விதங்களாக பிரிக்கும் ஜோதிடத்தின் 12 பாவகங்களில், குறிப்பிட்ட ஒரு வீட்டோடு சுபக் கிரகங்கள் எத்தனைக்கெத்தனை கூடுதல், குறைவு ஒளியமைப்புடன் தொடர்பு கொள்கிறதோ அந்த அளவிற்கு அந்த மனிதனுக்கு நன்மை தீமைகளை அந்த பாவகம் செயல்படுத்துகிறது.