ரிஷபம்: 2022 மே மாத ராசி பலன்கள்

 

#adityagurujimonthlyrasipalan

ஜோதிடக்கலை அரசு ஆதித்யகுருஜி

கைப்பேசி : +91 8286 99 8888 

ரிஷபம்:

மாதம் முழுவதும் ராசிநாதன் சுக்கிரன் லாப ஸ்தானத்தில் நல்ல பலன்களைத் தரக் கூடிய நிலையில் இருக்கிறார். ஏறத்தாழ மாதம் முழுவதும் அவர் உச்சமாக இருப்பது யோக பலன்களை தரக்கூடிய ஒன்று. குறிப்பாக செவ்வாய் சுபத்துவமாகி குரு மங்கள, பிருகு மங்கள யோகங்கள் உண்டாவது உங்களில் கட்டிடம், மருத்துவம், விளையாட்டு, என்ஜினியரிங், நெருப்பு சார்ந்த தொழில் செய்பவர்களுக்கு இந்த மாதம் நன்றாக இருக்கும் என்பதைக் காட்டுகிறது. ராசிநாதன் வலுவாக இருக்கும்போது அந்த ராசியினருக்கு சந்தோஷம் தரக் கூடிய நிகழ்வுகள் நடக்கும் என்பதும் ஜோதிடவிதி. அதன்படி மே மாதம்  சுக்கிரன் உச்சமாக இருப்பதால் இதுவரை இருந்த பணப் பிரச்னைகள் நீங்கும் மாதம் இது.

ரிஷப ராசியினர் நல்ல விஷயங்களை இந்த மாதம் உணர முடியும். அதே நேரம் ஆறாமிடமும் வலுவாவதால் ஆகாதவர் என்று தெரிந்தும் அவருடன் சிரித்துப் பேச வேண்டிய சூழ்நிலை வரும். எதையும் சகித்து கொண்டு இணக்கமாக போக வேண்டிய மாதம் இது. சிலர் தேவையற்ற விவகாரங்களில் மூக்கை நுழைத்து காசை விரயம் செய்வீர்கள். பணத்தை கொடுக்கும் முன் இரண்டு முறை யோசியுங்கள். இளைஞர்களுக்கும் நடுத்தர வயதுகளில் இருப்பவர்களுக்கும் வேலை, தொழில் போன்ற அமைப்புகளில் மாற்றங்கள் உருவாகும். அனைத்திலும் சிறிது தடைகள் இருப்பதாகத் தோன்றினாலும் கடைசியில் உங்களுக்கு சாதகமாகவே முடியும். மன உறுதியினால் நீங்கள் சாதிக்கும் மாதம் இது.

உங்களில் திறமைக்கேற்ற வேலை கிடைக்கவில்லையே என்ற மனக்குறையுடன் இருப்பவர்கள், விருப்பமில்லாமல் ஒரு தொழிலை செய்து கொண்டிருப்பவர்களுக்கு மாற்றங்கள் கிடைக்கின்ற மாதம் இது. சிலர் வேலை விஷயமாக பிறந்து வளர்ந்த இடத்தை விட்டு தூரம் போக வேண்டி இருக்கும். சிலருக்கு வடக்கு திசை நோக்கிய பயணங்களும் அது சம்பந்தமான லாபங்களும் இருக்கும். குறிப்பிட்ட ஒருபலனாக சனி பத்தில்  உள்ளதால்  உங்களால் முடியும் என்று நம்புகின்ற விஷயங்களை மட்டும் செயல்படுத்துவது நல்லது. அதேநேரத்தில் பணவரவும், தன லாபங்களும் நிறைவாகவே இருக்கும். அம்மாவைப் பிரிந்து இருப்பவர்கள் அவரை நேரில் சென்று பார்த்து, ஆசிர்வாதங்களைப் பெற்று வருவது சிறப்புகளைச் சேர்க்கும். எதிர்மறை எண்ணங்களும், சங்கடங்களும் விலகும். முக்கியமான விஷயங்களில் முடிவெடுக்க முடியாமல் இருந்தவர்களுக்கு தீர்வுகள் தேடி வரும்.

2,9,10,15,17,18,19,25,26,27,28 ஆகிய நாட்களில் பணம் வரும். 18ம் தேதி காலை 8.09  மணி முதல் 20ம் தேதி காலை 8.45 மணி வரை சந்திராஷ்டம நாட்கள் என்பதால் புதிய முயற்சிகளோ நீண்ட தூரப் பிரயாணங்களோ வேண்டாம். யாருடனும் வாக்குவாதமோ சண்டையோ செய்யாதீர்கள்.

அலுவலக நேரம்: 10:00 AM - 6:00 PM 

தொடர்பு எண்கள் செல்: +91 9768 99 8888,  8870 99 8888, 8681 99 8888 +91 44 2435 8888, +91 44 4867 8888

குருஜி அவர்களின் கட்டுரை மற்றும் ராசிபலன்களை whatsapp ல் பெற  +91 8428 99 8888 என்ற எண்ணிற்கு தகவல் தரவும்.