மேஷம்: 2022 மே மாத ராசி பலன்கள்

 

#adityagurujimonthlyrasipalan

ஜோதிடக்கலை அரசு ஆதித்யகுருஜி

கைப்பேசி : +91 8286 99 8888

மேஷம்:

மே மாதத்தின் பிற்பகுதியில் இருந்து நல்ல மாற்றங்களை மேஷ ராசிக்காரர்கள் எதிர் கொள்வீர்கள்.  மாத பிற்பகுதியில் ராசிநாதன் செவ்வாய், குரு, சுக்கிர இணைவில் சுபத்துவமாக இருப்பதால் வேலை, தொழில், வியாபாரம் போன்ற ஜீவன அமைப்புகள் இனிமேல் நன்றாக இருக்கும். தொழில் விஷயங்களில் சிக்கல்களை சந்தித்துக்  கொண்டிருந்தவர்களுக்கு நிம்மதி தருகின்ற அமைப்பும், நல்லவைகளும் நடக்கும்.

உங்களில் சிலர் இந்தமாதம் அந்தஸ்து, கௌரவம் பெறக்கூடிய சந்தர்ப்பங்களை அடைவீர்கள். பொதுவாக மேஷத்தினர் நேர்மையானவர்களாக, தன்னம்பிக்கை உள்ளவர்களாக, அடுத்தவர்களை வாழ வைப்பவர்களாக இருப்பீர்கள். இதுவே உங்களுக்கு மிகப் பெரிய கண் திருஷ்டியாக அமையும். சிலருக்கு மாத ஆரம்பத்திலேயே வருமானங்களும், சந்தோஷங்களும் இருக்கும். இளைய பருவத்தினருக்கு திருமணம், வேலை, குழந்தை பாக்கியம் போன்ற நல்ல விஷயங்கள் இருக்கும். இன்னும் சில காலத்திற்கு கிரகநிலைகள் சாதகமாக இருப்பதால் நீங்கள் துணிவுடன் செய்யும் முயற்சிகள் அனைத்தும் வெற்றி பெறும். ராகு ராசியில் இருப்பதால் சிலருக்கு அரபு நாடுகளில் வேலை, தொழில் போன்ற தொடர்புகள் ஏற்படும். இஸ்லாமிய நண்பர்கள் உதவுவார்கள்.

சொந்த வாழ்க்கையிலும், தொழில் அமைப்புகளிலும் குழப்பங்களை மட்டும் பார்த்தவர்களுக்கு தடைகள் விலக ஆரம்பிக்கும். சுக்கிரன் வலுவாக இருப்பதால்  பெண்கள் விஷயத்தில் நன்மை நடக்கும். நினைக்கும் காரியத்தை சாதித்துக் காட்ட முடியும். ஒரு குறிப்பிட்ட பலனாக பணம் கொடுத்து வாங்குவதில் சிக்கல்கள் தோன்றி பணத்தையும், நட்பையும் இழந்து, ஏண்டா கொடுத்தோம் என்று யோசிக்கும் அளவிற்கு சம்பவங்கள் நடந்தவர்களுக்கு கொடுத்த பணம் திரும்ப கிடைக்கும் மாதம் இது. சனி, செவ்வாய் சேர்க்கை இந்த மாதம் விலகுவதால் பிள்ளைகள் விஷயத்தில் நன்மைகள் இருக்கும். அவர்களுக்கானதை செய்ய முடியும். குழந்தைகளின் விருப்பத்தை நிறைவேற்ற இயலும். புரிந்து கொண்ட பிள்ளைகளால் தகப்பன், மகன் பாசம் அதிகரிக்கும்.

1,2,3,4,6,15,19,20,21,28,30 ஆகிய நாட்களில் பணம் வரும். 16 ம் தேதி காலை 7.53 மணி முதல் 18 ம் தேதி காலை 8.09 மணி வரை சந்திராஷ்டம நாட்கள் என்பதால் புதிய முயற்சிகளோ நீண்ட தூரப் பிரயாணங்களோ வேண்டாம். யாருடனும் வாக்குவாதமோ சண்டையோ செய்யாதீர்கள்.

அலுவலக நேரம்: 10:00 AM - 6:00 PM 

தொடர்பு எண்கள் செல்: +91 9768 99 8888,  8870 99 8888, 8681 99 8888 +91 44 2435 8888, +91 44 4867 8888

குருஜி அவர்களின் கட்டுரை மற்றும் ராசிபலன்களை whatsapp ல் பெற  +91 8428 99 8888 என்ற எண்ணிற்கு தகவல் தரவும்.