சிம்மம்-2019 மே மாத ராசி பலன்கள்

ஜோதிடக்கலை அரசு ஆதித்யகுருஜி

கைப்பேசி : 8681 99 8888

சிம்மம்: 

மாதம் முழுவதும் ராசிநாதன் சூரியன் நல்ல பலன்களைத் தரக் கூடிய நிலையில் இருக்கிறார். மாத ஆரம்பத்தில் உச்சமாகவும் மாதத்தின் பிற்பகுதியில் சுபரின் வீட்டிலும் அவர் இருப்பது சிம்மத்திற்கு யோக பலன்களை தரக்கூடிய ஒன்று. குறிப்பாக செவ்வாயும், ராகுவும் 11 ம் இடத்தில இணைவது சிம்மத்திற்கு இந்த மாதம் சிறப்பாக இருக்கும் என்பதைக் காட்டுகிறது. ராசியோ, ராசிநாதனும் குருவின் பார்வையில் இருக்கும்போது அந்த ராசியினருக்கு சந்தோஷம் தரக் கூடிய நிகழ்வுகள் நடக்கும் என்பது ஜோதிடவிதி. அதன்படி மே மாத பிற்பகுதியில் ராசிநாதன் சூரியன், குருவின் பார்வையில் வருவதால் எதிலும் வெற்றியை நீங்கள் சந்திக்கக் கூடிய மாதம் இது. 

உங்களில் சிலருக்கு தாயார் வழியில் நல்ல விஷயங்களும் அம்மாவின் மூலம் ஆதாயங்களும் வரும். குறிப்பிட்ட சிலர் தேவையற்ற விவகாரங்களில் மூக்கை நுழைத்து கையில் இருக்கும் காசை விரயம் செய்வீர்கள். பாக்கெட்டில் இருந்து பணத்தை எடுக்கும்முன் ஒன்றுக்கு இரண்டு முறை யோசியுங்கள். இளைஞர்களுக்கும் நடுத்தர வயதுகளில் இருப்பவர்களுக்கும் இதுவரை இருந்து வந்த வேலை, தொழில் போன்ற அமைப்புகளில் மாற்றங்கள் உருவாகும். ராசிநாதனை குரு பார்ப்பதால் அனைத்து விஷயங்களிலும் சிறிது தடைகள் இருப்பதாகத் தோன்றினாலும் கடைசியில் உங்களுக்கு சாதகமாகவே முடியும். 

ராசிநாதன் சுக்கிரனின் வீட்டில் இருப்பதால் பெண்களுக்கான செலவு விஷயத்தில் கட்டுப்பாட்டுடன் இருப்பது நல்லது. உங்களின் பேச்சால் சிலரை மனது சங்கடப்படும்படி வைப்பீர்கள் என்பதால் வார்த்தைகளில் கவனமாக இருங்கள். ஒன்பதாமிடம் வலுப்பெறுவதால் ஆன்மிகம் சம்பந்தமான பிரயாணங்கள் செய்வீர்கள். புனிதத்தலங்களை தரிசிக்கும் வாய்ப்பு கிடைக்கும். சிலருக்கு ஞானிகள் தரிசனம் கிடைக்கலாம். தந்தைவழி உறவினர்களிடம் இருந்து உதவிகள் இருக்கும் தேவையற்ற விஷயங்களில் இந்த மாதம் மூக்கை நீட்ட வேண்டாம். அதனால் பிரச்னைகள் வர வாய்ப்பு இருக்கிறது. யாருக்கும் கடன் கொடுக்காதீர்கள். யாரையும் நம்ப வேண்டாம்.  

2,9,10,15,17,18,19,25,26,27,28 ஆகிய நாட்களில் பணம் வரும். மாத ஆரம்பத்தில் 1ம் தேதி அதிகாலை 4.15 மணி முதல் 3ம் தேதி மதியம் 2.40 மணி வரையிலும், மாத இறுதியில் 28ம் தேதி பகல் 12.19 மணி முதல் 30ம் தேதி இரவு 11.03 மணி வரையிலும் சந்திராஷ்டம நாட்கள் என்பதால் புதிய முயற்சிகளோ நீண்ட தூரப் பிரயாணங்களோ வேண்டாம். யாருடனும் வாக்குவாதமோ சண்டையோ செய்யாதீர்கள்.

தொடர்பு எண்கள். செல்.8681 99 8888, 8870 99 8888, 8428 99 8888, 7092 77 8888, 8754 008888, 044-24358888, 044-48678888.

குருஜி அவர்களின் கட்டுரை மற்றும் ராசிபலன்களை whatsapp ல் பெற 8428 99 8888 என்ற எண்ணிற்கு தகவல் தரவும்.