துலாம்: 2022 மே மாத ராசி பலன்கள்

 

#adityagurujimonthlyrasipalan

ஜோதிடக்கலை அரசு ஆதித்யகுருஜி

கைப்பேசி : +91 8286 99 8888 

துலாம்:

கடந்த மூன்று வருடங்களாக அரத்தாஷ்டம சனியின் ஆதிக்கத்தினால் கடுமையான மன அழுத்தத்திலும், பொருளாதார பிரச்சினைகளிலும், வேலை, தொழில் சங்கடங்களிலும் இருந்து வந்த துலாம் ராசிக்காரர்களுக்கு, அதிசார நிலையில் சனி அங்கிருந்து விலகி ஐந்தாமிடத்திற்கு வந்து விட்டதால் இனிமேல், எந்த விதமான தொழில், வேலை குறைகளும் இல்லாத நிலைகளை. துலாம் ராசிக்காரர்கள் சந்திப்பீர்கள்.

ஐந்தில் சனி இருப்பதால் பிள்ளைகள் விஷயத்தில் மனக்குறை வரும். பருவ வயது குழந்தைகளை வைத்திருப்பவர்கள் அவர்களின் குறைகளை காது கொடுத்துக் கேளுங்கள். குழந்தைகளிடம் நட்புடன், கனிவாக இருங்கள். என்ன இருந்தாலும் அவர்கள் உங்களின் குழந்தைகள், உங்களின் உழைப்பும் சேமிப்பும் அவர்கள் நன்றாக இருப்பதற்காகத்தான் என்பதை மனதில் இருத்தி அவர்களின் பிரச்னைகளை அணுகுங்கள். ரிஸ்க் எடுக்கும் விஷயங்களை இந்த மாதம் துலாத்தினர் செய்யக் கூடாது. அடுத்தவரை நம்பிச் செய்யக் கூடிய விஷயங்களையும் செய்ய வேண்டாம். காலை வாரும் சம்பவங்கள் இருக்கும். சிறு விஷயங்களில் கூட கவனம் அதிகமாக தேவைப்படும்.

உங்கள் திறமைகள் வெளிவரும் மாதம் இது. வழக்கு போன்ற முக்கியமான பிரச்னைகள் நீங்கி நிம்மதியாக உணர்வீர்கள். எதிர்காலம் பற்றிய நம்பிக்கையை தரும் நிகழ்வுகள் உண்டு. ஆன்மீக மைந்தர்களாகிய உங்களுக்கு இனிமேல் கெடுபலன்கள் வராமல் நன்மைகள் மட்டுமே வரும். சிலர் சிவ வழிபாட்டில் அதிகமாக ஈடுபாடு கொள்வீர்கள். ஆலயத் திருப்பணிகள் செய்யும் வாய்ப்பு கிடைக்கும். பெண்களுக்கு இது உற்சாகமான மாதம். குடும்பத்தில் நீங்கள் சொல்லும் யோசனைகள் ஏற்கப்படும். இளைஞர்கள், மாணவர்கள் படிப்பில் கவனம் செலுத்த வேண்டும். பெண்கள் விஷயத்தில் கவனம் சிதறும். இளைய பருவத்தினருக்கு புதிய நட்புகள் கிடைக்கும். சிலர் எதிர்கால வாழ்க்கைத் துணைவரை சந்திப்பீர்கள். சுக்கிரன் வலுப்பெறுவதால் பெண்கள் விஷயத்தில் லாபம் இருக்கும். அலுவலகத்தில் மேலதிகாரியாக பெண்கள் இருந்தால் அவர்கள் பேச்சைக் கேட்பது நல்லது.

2,3,5,6,11,19,20,21,28,30 ஆகிய நாட்களில் பணம் வரும். 29 ம் தேதி காலை 11.15 மணி முதல் 31 ம் தேதி இரவு 11.29 மணி வரை சந்திராஷ்டம நாட்கள் என்பதால் புதிய முயற்சிகளோ நீண்ட தூரப் பிரயாணங்களோ வேண்டாம். யாருடனும் வாக்குவாதமோ சண்டையோ செய்யாதீர்கள்.

அலுவலக நேரம்: 10:00 AM - 6:00 PM 

தொடர்பு எண்கள் செல்: +91 9768 99 8888, 8286 99 8888, 8870 99 8888, 8681 99 8888 +91 44 2435 8888, +91 44 4867 8888

குருஜி அவர்களின் கட்டுரை மற்றும் ராசிபலன்களை whatsapp ல் பெற  +91 8428 99 8888 என்ற எண்ணிற்கு தகவல் தரவும்.