குருஜியின் வார ராசி பலன்கள் (13.05.2024–19.05.2024)

 

ஜோதிடக்கலை அரசு ஆதித்யகுருஜி

கைப்பேசி : 8681 99 8888

மேஷம்:

மேஷ ராசிக்காரர்களுக்கு நீண்ட நாட்கள் போராடிக்கொண்டு இருந்த ஒரு விஷயம் நல்லபடியாக முடிந்து லாபங்களும், பண வரவும் இப்போது கிடைக்கும். ராசிநாதன் கிரகண தோஷத்தில் இருப்பது வார ஆரம்பத்தில் எதிலும் சிறிது குழப்பத்தை கொடுத்தாலும் முடிவு நன்மையாகவே அமையும். எட்டாமிடம் குரு பார்வை பெறுவதால் மறைமுக எதிர்ப்புகள் இருக்கும். நண்பனைப் போல சிரித்துப் பழகிய ஒருவர் துரோகியாக மாறலாம். செய்யாத குற்றத்திற்கு வீண்பழி வரும் வாய்ப்பு இருக்கிறது. வம்பு வழக்கு வரலாம் என்பதால் யோசித்து செயல் படுவது நல்லது.

பரணி நட்சத்திரத்தினருக்கு எதிர்பார்க்கும் இடத்திலிருந்து பணம் கிடைப்பதில் தடைகள் இருக்கலாம். கடன் வாங்க வேண்டிய நெருக்கடிகள் இருக்கும். கடன்காரர்களுக்கு சொல்லும் தேதியில் பணம் தரமுடியாமல் போகும். என்னதான் தடைகள் என்றாலும் யோகாதிபதிகள் வலுப்பெறுவதால் பிரச்னைகளை சமாளிக்கும் தைரியம் உங்களுக்கு உண்டாகும். யாரிடமும் கோபப்பட வேண்டாம். அலுவலகத்தில் வீண் வாக்குவாதங்களைத் தவிருங்கள்.  நண்பர்களே உங்களின் கோபம் பிடிக்காமல் விலகிப் போக வாய்ப்பு  இருக்கிறது.

ரிஷபம்:

இந்த வாரம் முதல் ராசிநாதன் சுக்கிரன் ராசியில் அமர்ந்து ஆட்சி நிலை பெறுகிறார்.  மேலும் ஒரு சிறப்பு நிலையாக, ஏற்கனவே ராசியில்  குருவும் இருப்பதால் ரிஷபத்திற்கு இனி எதிலும் வெற்றிதான். அனைத்து சிறப்புக்களும் சேரும் வாரம் இது. உங்களில் குழந்தை இல்லாத தம்பதிகளுக்கு இப்போது நற்செய்திகள் உண்டு. சிலருக்கு இரட்டைக் குழந்தை அமைப்பு தெரிய வரும். சிலருக்கு அலுவலகங்களில் பாராட்டுக்களும் உயர்நிலையில் இருப்பவரின் அறிமுகமும் அவரால் கவனிக்கப்படுதலும் நடக்கும். சிலருக்கு அம்மாவின் மூலம் ஏதேனும் நல்லவை நடக்கும்.

நேரம் நன்றாக இருந்தாலும் எந்த ஒரு விஷயத்தையும் நேர்மையான முறையில் சந்திப்பது நல்லது. ரிஷப ராசிக்கு இந்தவாரம் கஷ்டங்கள் என்று எதுவும் இல்லை. அனைத்திலும் நல்லது மட்டுமே நடக்கும். மருத்துவத்துறையினர், சிகப்பு நிறம் சம்மந்தப்பட்டவர்கள், கையில் ஆயுதங்களை கொண்டு வேலை செய்பவர்களுக்கு எதிலும் தாமதம் உண்டு. இப்போது அறிமுகமாகும் ஒருவர் வாழ்நாள் முழுவதும் உங்களுக்கு தொடரும் உறவாக மாறுவார். கலை, ஊடகத்துறையினருக்கு இனி தொழில் முன்னேற்ற பாதையில் செல்லும்.

மிதுனம்:

கடந்த சில வாரங்களாக ராசிநாதன் புதன் ராகுவுடன் இணைந்து, இருள் தன்மையில் இருந்த காரணத்தினால் மிதுனத்தினருக்கு இருந்து வந்த தடைகளும் தாமதங்களும் விலகுகின்ற நல்ல வாரம் இது. இந்த வாரத்திலிருந்து ராசிநாதன் புதன் கிரகண தோஷம் விலகி லாப வீட்டிற்கு மாறுகிறார். கூடுதலாக யோகாதிபதி சுக்கிரனும் சுபத்துவம் அடைகிறார் என்பதால் எதிர்பாராத நல்ல விஷயங்கள் நடக்கக் கூடிய வாரமாக இதனை சொல்லலாம். யோகர் சனியும்  நல்லநிலையில் இருப்பது  மிதுனத்திற்கு உற்சாகத்தை கொடுக்கும்.

அதிர்ஷ்டம் கைகொடுக்கும் வாரம் இது. முடியாமல் இருக்கும் விஷயங்களை இப்போது முடித்துக் காட்டுவீர்கள். உங்களில் திருவாதிரை நட்சத்திரப் பெண்களுக்கு அலுவலகத்திலும் வீட்டிலும் மதிப்புக் கூடும்படியான சம்பவங்கள் இருக்கும். தொழில், வேலை, வியாபாரம் போன்றவைகளில் நல்லவைகள் நடக்கும். அலுவலகத்தில் மாற்றங்கள் இருக்கும். வேலை, தொழில், வியாபாரம் போன்ற ஜீவன அமைப்புகள் வலுவாவதால் இந்த வாரம் கவலைகள் எதுவும் இல்லை.  பணவரவு நன்றாகவே இருக்கும். 

கடகம்:

உங்களுக்கே உரிய, மற்றவர்களும் நன்றாக இருக்க வேண்டும் என்ற தியாகக் குணத்தால் சிக்கலான சூழ்நிலை கடகத்திற்கு இப்போது இருக்கும். தொழில் விஷயத்தில் சங்கடங்கள் இருந்தாலும் முடிவில் அனைத்தும் சாதகமாகவே முடியும். வேலை, தொழில், வியாபாரம் போன்றவைகளில் இருக்கும் சிக்கல்கள் உங்களை ஒன்றும் செய்யப் போவது இல்லை, வெளிநாட்டுத் தொடர்பு உள்ளவர்களுக்கு இது யோக வாரம். குடும்பப் பிரச்னைகளை சற்று நிதானத்துடன் கையாள்வது நல்லது. எங்கும், எதிலும் கோபப்பட்டு பேச வேண்டாம்.

உங்களில் அதிகாரம் செய்யக்கூடிய பதவியில் இருப்பவர்களுக்கு இரண்டுங் கெட்டான் நிலை இருக்கும். சிலர் இரண்டு அதிகார மையத்துடன் போராடுவீர்கள். உங்களைப் புரிந்து கொள்ளாமல் சிலர் உங்களை விட்டு விலகுவார்கள். சிலருக்கு புனிதத்தலங்களை தரிசிக்கும் வாய்ப்பு கிடைக்கும். ஞானிகள் தரிசனம் கிடைக்கலாம். குலதெய்வ வழிபாடு செய்யாதவர்கள் மற்றும் நேர்த்திக்கடன் செலுத்தாதவர்கள் இப்போது அவற்றை முடிப்பீர்கள். தந்தைவழி பெண் உறவினர்கள் வகையில் விரயங்கள் இருக்கும்.

சிம்மம்:

ராசிநாதன் சூரியன் ஜீவன ஸ்தானத்தில், குரு, சுக்கிரனுடன் இணைந்திருக்கின்ற நல்ல வாரம் இது. இதுவரை வேலை, தொழில் வியாபார அமைப்புகளில் லாபங்கள் இல்லை என்கின்ற குறைகளோடு இருக்கின்ற சிம்ம ராசியினருக்கு எல்லாம் கிடைக்கின்ற வாரமாக இது இருக்கும். உங்களில் சிலருக்கு இதுவரை போக்கு காட்டிக்கொண்டிருந்த தொழில் முதலீடுகள் நல்ல விதமாக அமையும். வேலை தொழில் விஷயங்களில் உதவிகளை செய்யக்கூடிய நபர்களை இப்பொழுது சந்திப்பீர்கள்

சிம்ம ராசிக்காரர்களுக்கு ஜீவன அமைப்புகளில் நல்ல மாற்றங்கள் உள்ள வாரம் இது. வாரம் முழுவதும் செவ்வாய் எட்டாமிடத்தில் ராகுவுடன் இணைந்திருப்பதால் உங்களில் சிலருக்கு எதிர்பாராத சில நிலைகளில். பண வரவு இருக்கும். பற்றாக்குறை தீரும். வருமானம் வரப்போகிறது. இதுவரை உங்களை தவறாக நினைத்துக் கொண்டிருந்த உறவு மற்றும் நட்புகள் உங்களுடைய நிலையை இனி புரிந்து கொள்ள ஆரம்பிப்பார்கள். யூனிஃபார்ம் அணிந்து வேலை செய்யக்கூடிய சிம்ம ராசிக்காரர்களுக்கு இந்த வாரம் நல்ல மாற்றங்கள் இருக்கும்.

கன்னி:

கன்னியின் கனவுகள் பலிக்கும் வாரம் இது. ராசிநாதன் 8 ல் இருந்தாலும் கூட ராசி குரு பார்வையில் இருக்கிறது. 2, 9க்குடைய சுக்கிரன் ஒன்பதாமிடத்தில் சுபத்துவமாக இருப்பதால் தனயோகம் உண்டாகி எதிர்பாராத வருமானம் உங்களுக்கு இருக்கும். சுயதொழில் செய்பவர்கள், வியாபாரிகள், மின்சாரத்தால் இயங்குகின்ற பொருட்கள் சம்மந்தப்பட்டவர்கள் அனைவருக்குமே இந்த வாரம் திருப்புமுனையான வருமானமுள்ள வாரமாக இருக்கும். கன்னிக்கு நல்லவைகள் தேடி வரும் வாரம் இது

சூரியனும் சுபத்துவமாக பாக்கியத்தில் இருப்பதால் அரசுவேலை எதிர்பார்த்து காத்திருந்தவர்களுக்கு நல்ல செய்திகள் இருக்கும். அரசு தேர்வுக்கு பயிற்சி எடுப்பவர்களுக்கு நல்ல ஆசான்கள் கிடைப்பார்கள். சகோதரர்களுடன் இருந்து வந்த இணக்கம் இல்லாத சூழல்கள் மறையும். எதிலும் பிடிவாத குணம் இருப்பவர்கள் கூட சற்று விட்டுக் கொடுத்து போகக்கூடிய நிலைமை இப்பொழுது உருவாகும். குடும்பத்தில் உள்ளவர்கள் உங்களை புரிந்து கொள்வார்கள்.  உயர்கல்வி கற்க விரும்பும் சிலருக்கு அதற்கான ஆரம்பங்கள் இருக்கும்.

துலாம்:

ராசிநாதன் சுக்கிரன் 8ல் மறைந்திருந்தாலும், ஆட்சி நிலையில் குருவோடு. சேர்ந்து சுபத்துவமாகி உள்ள நல்ல வாரம் இது. துலாம் ராசிக்காரர்களுக்கு பன்னிரண்டாம் பாவகம் வலிமையோடு நல்ல பலன் தருகின்ற வாரமாக இது இருக்கும்.  இளைய பருவத்தினருக்கு வெளிநாடு, வெளிமாநில கனவுகள் பலிக்கும். இதுவரை தூர இடங்களுக்கு போவதற்கு அனுமதி கேட்டு காத்திருந்த நிலைமை மாறி வாய்ப்புகள் தேடி வரும். செலவுகள் அதிகமாக இருந்தாலும் பண வரவு இருக்கும்.  சிலர் குடும்பத்திற்கு தேவையான பொருட்கள் வாங்கி செலவு செய்வீர்கள்.

சிலருக்கு பெண்கள் சம்பந்தமாக செலவுகள் உண்டு. சிலர் வருமானத்துக்காக பொய் சொல்ல வேண்டி இருக்கும். ஆனால் மாட்டிக் கொள்ள மாட்டீர்கள். எட்டில் இருக்கும் குரு, தவறு செய்ய வைத்து காப்பாற்றுவார். வாரத்தின் பிற்பகுதி நாட்கள் துலாத்தினருக்கு நிம்மதியை தரும். தந்தையிடம் ஏதேனும் ஒரு விஷயத்திற்கு சம்மதம் கேட்க இப்பொழுது சரியான நேரம் என்பதால் இதை உபயோகப்படுத்திக் கொள்ளுங்கள். சிலர் ஆன்மிக விஷயங்களில் அதிகமாக ஈடுபாடு கொள்வீர்கள்.

விருச்சிகம்:

வாரம் ஆரம்பத்தில் சூரியனும், சந்திரனும் வலுப் பெற்ற நிலையில் இருப்பதால் விருச்சிகத்தினரின் குடும்பத்தில் சந்தோஷங்கள் உண்டு. சிலருக்கு பிள்ளைகள் விஷயத்தில் சந்தோஷப்படும்படியான சம்பவங்களும் அவர்களால் பெருமைகளும் இருக்கும். மகன். மகளுக்கு திருமண உறுதி நிகழ்ச்சிகள் நடக்கும். யோகம் தரக்கூடிய கிரகங்கள் வலுவான நிலையில் இருப்பதால் சந்தோஷமான மனநிலையில் உற்சாகமாக இருப்பீர்கள். மறைமுகமான எதிரிகள் உங்களை கவிழ்க்கப் பார்த்தாலும் அவர்கள்தான் தோற்றுப் போவார்கள்.

அனைத்து விஷயங்களிலும் எவ்வித தடைகளும் இல்லாமல் சுமூகமாகவும், பிரச்னைகள் எதுவும் இல்லாமலும் இருக்கும். தொந்தரவுகள் எதுவும் வராது. பொருளாதார விஷயங்களில் சிக்கல்களை சந்தித்தவர்கள் அது நீங்கி நல்ல வருமானமும்,  பணவரவுகளும் கிடைக்கப் பெறுவீர்கள். குறிப்பாக அனுஷம் நட்சத்திரக்காரர்களுக்கு இந்த வாரம்  வருத்தங்கள் எதையும் தராமல் வசந்தத்தையும், நல்ல வாய்ப்புகளையும் மட்டுமே தரும். விருச்சிகத்திற்கு இனி கஷ்டங்கள் எதுவும் இல்லை.

தனுசு: 

ராசிநாதன் குரு ஆறாமிடத்தில் இருந்தாலும் கூட, அவர் சுக்கிரனோடு இணைந்திருப்பதால் இந்த வாரம் முழுக்க  தனுசு ராசிக்கு எதிர்பாராத அதிர்ஷ்டத்தை தரக்கூடிய மற்றும் தொழில் நிலைகளில் உற்சாகத்தை தரக்கூடிய நாட்களாக அமையும். வாரத்தின் இரண்டு நாட்கள் சந்திராஷ்டம தினமாக இருந்தாலும் கூட சந்திரன் வளர்பிறையில் இருப்பதால் சாதகமற்ற தன்மைகள் கண்டிப்பாக நடக்காது. ஆனால் முக்கிய முடிவுகள் எடுப்பதை இந்த நாட்களில் தவிருங்கள். அனைவருக்குமே மாற்றங்கள் இருக்கும் வாரம் இது.  

உங்களில் சிலருக்கு பயணங்கள் அமையும் அதன்மூலமான நன்மைகளும் இருக்கும். இளைய பருவத்தினருக்கு வேலை, தொழில் உறுதியாகக் கூடிய வாரம் இது. இன்டர்வியூவில் ஜெயிப்பீர்கள். பெண்களுக்கு சிறப்புகள் கூடும். மாணவர்களுக்கு நல்லவைகள் நடக்கும். 18,19 ஆகிய நாட்களில் பணம் வரும். 13-ம் தேதி காலை 5.05  மணி முதல் 15-ம் தேதி பகல் 3.25 மணி வரை சந்திராஷ்டம நாட்கள் என்பதால் புதிய முயற்சிகளோ, முதலீடுகளோ இந்த நாட்களில் செய்ய வேண்டாம். ஆயினும் கெடுதல்கள் எதுவும் நடைபெறாது.

மகரம்:

மகரம் எதையும் சாதிக்கும் யோக வாரம் இது. வாரம் முழுவதும் ராசி குருவின் பார்வையில் நிலையில் இருப்பதாலும், யோகாதிபதிகள் சுக்கிரனும் புதனும். மிக வலுவாக இருப்பதாலும். உங்களுடைய செயல்திறன், ஆக்கம், ஊக்கம் போன்றவைகள் சிறப்பாகவே செயல்படும். எதையும் செய்து முடிக்கக்கூடிய நல்ல புத்துணர்வோடு மகர ராசி இளைய பருவத்தினர் இருப்பீர்கள். நல்லவைகள் மட்டுமே நடக்கும் வாரம் இது. ராசியை  குரு பார்ப்பது எதிலும் உங்களை தனியாக காட்டக்கூடிய நல்ல அமைப்பு.

ராஜகிரகங்கள் வலுவுடன் இருப்பதால் எது வந்தாலும் சமாளிப்பீர்கள். புத்திசாலிகளான மகர ராசிக்காரர்களுக்கு இனி சோதனைகள் எதுவும் இல்லை. குடும்ப உறுப்பினர்களிடம் விட்டுக் கொடுத்து போவது நல்லது. 18,19 ஆகிய நாட்களில் பணம் வரும். 15 -ம் தேதி மதியம் 3.25 மணி முதல் 18 -ம் தேதி காலை 4.05 மணி வரை சந்திராஷ்டம நாட்கள் என்பதால் கூடுதல் கவனத்துடன் இருக்க வேண்டியது அவசியம். மேற்கண்ட நாட்களில் புதிய முயற்சிகள் மற்றும் நீண்ட பிரயாணம்  செய்வதை தவிர்ப்பது நல்லது.

கும்பம்:

கும்பத்திற்கு குறைகள் தீரும் வாரம் இது. கடந்த இரண்டு ஆண்டுகளாக சனியின் ஆதிக்கத்தினால் இழப்புகள், விரயங்கள், கஷ்டங்கள், மனஅழுத்தங்களில் இருக்கக்கூடிய கும்ப ராசிக்காரர்கள் அனைவருமே தற்போது படிப்படியாக அதிலிருந்து வெளியே வந்து கொண்டிருக்கிறீர்கள். அடுத்த வருடம் மார்ச் மாதம் முதல் உங்களை ஆட்டி படைத்து கொண்டிருக்கின்ற ஜென்மச்சனி விலகுவதால் அதற்கு சில மாதங்களுக்கு முன்பாகவே நன்மைகள் நடக்க ஆரம்பிக்கின்ற நல்ல வாரம் இது.

தொழில் செய்யும் இடங்களில் இனி தொல்லைகள் இருக்காது. கலைஞர்கள் சிறப்பு பெறுவார்கள். இரண்டில் செவ்வாய், ராகு இருப்பதால் சிலருக்கு கண்களில் வலி போன்ற  பிரச்னைகள் இருக்கும். 14,15 ஆகிய நாட்களில் பணம் வரும். 18-ம் தேதி  காலை 4.05  மணி முதல் 20 -ம் தேதி பகல் 4.34 மணி வரை சந்திராஷ்டம நாட்கள் என்பதால் அனைத்து விஷயங்களிலும் நிதானத்துடனும், கூடுதல் கவனத்துடனும் இருக்க வேண்டும். மேற்கண்ட நாட்களில் புதிய முயற்சிகள், நீண்ட பிரயாணங்கள் வேண்டாம். எதிலும் நிதானமாக இருப்பது நல்லது.

மீனம்:

உங்களில் சிலருக்கு ஏற்கனவே முடிந்து விட்டது என்று நினைத்து நிம்மதியாக இருந்த விஷயங்கள் மீண்டும் கிளறப்படும் வாரம் இது. வாரத்தின் முதல் மூன்று நாட்களில் கடன் பிரச்னைகள் சிலருக்கு தலை குனிவை தரும். உடல்நலத்தில் அக்கறை காட்ட வேண்டியது அவசியம்.  இளைஞர்கள் சிலருக்கு பெங்களூர் அல்லது வடக்கே உள்ள நகரங்களில் வேலை கிடைத்துச் செல்ல வேண்டியிருக்கும். எவரிடமும் வாக்குவாதங்களை தவிருங்கள். தந்தைவழி உறவினர்களால் கருத்து வேறுபாடு இருக்கும்.

தேவையற்ற விஷயங்களில் மூக்கை நீட்ட வேண்டாம். அதனால் பிரச்னைகள் வர வாய்ப்பு இருக்கிறது. பெண்கள் விஷயத்தில் சிலருக்கு மனக்கசப்புகள் இருக்கும். சிலர் அக்கா தங்கைகளுடன் சண்டை போடுவீர்கள். எதையும் தாமதமாகத்தான் செய்து முடிக்க முடியும். ஆனாலும் எதுவும் எல்லை மீறி போகாமல் பரம்பொருள் காப்பாற்றுவார். அரசு, தனியார்துறை ஊழியர்கள் நன்மைகளை அடைவார்கள். நிதானமாக இருப்பதன் மூலம் அடுத்தவர்களைப் பகைத்துக் கொள்வதிலிருந்து தப்பிக்கலாம். எதையும் சமாளிக்கும் வாரம் இது.

அலுவலக நேரம்: 10:00 AM - 6:00 PM 

தொடர்பு எண்கள். செல்.8681 99 8888, 8870 99 8888, 8428 99 8888, 7092 77 8888, 044-24358888, 044-48678888.

குருஜி அவர்களின் கட்டுரை மற்றும் ராசி பலன்களை வாட்ஸ் அப்பில் பெற குருஜியின் whatsapp சேனல் அஸ்ட்ரோ குருஜியை கீழ்காணும் லிங்கில் சப்ஸ்கிரைப் செய்து கொள்ளவும்...

https://whatsapp.com/channel/0029Va5e3OR0rGiLgmkhJ537