கைப்பேசி : +91 9768 99 8888
விரயங்களை தடுக்கும் நிலையில், சனி மாதம் முழுவதும் ஆறாமிடத்தில் உள்ளதால் இதுவரை இருந்த வீண் செலவுகள் இனி மட்டுப்பட்டு வருகின்ற வருமானத்தை இனி ஓரளவிற்கு சேமிக்கவும் முடியும். இதுவரை நடக்காமல் இருந்த நல்ல விஷயங்கள் யாவும் இனிமேல் உங்களின் வயதிற்கு ஏற்ற வகையில் நடக்க ஆரம்பிக்கும். வேலை இல்லாதவர்கள் மனதிற்கு பிடித்த நல்லவேலை கிடைக்கப் பெறுவீர்கள். திருமணம் ஆகாதவர்களுக்கு நல்ல செய்திகள் உண்டு. செட்டில் ஆகாத நடுத்தர வயது கன்னி ராசிக்காரர்கள் இந்த மாதம் முதல் நன்மைகள் நடக்க ஆரம்பித்து வாழ்க்கையில் நிலை கொள்வீர்கள். வாழ்க்கைத் துணைவரால் லாபங்கள் இருக்கும். நீங்கள் கேட்கும் பொருட்களை கணவரோ, மனைவியோ வாங்கி தருவார்கள். சிலருக்கு மனைவி வழி சீதனமாக ஏதேனும் ஒரு நன்மை நடக்க வாய்ப்பு இருக்கிறது.
வழக்கு, கடன்தொல்லைகள், கடுமையான மனஅழுத்தம், குடும்பப் பிரச்சினைகள், குழந்தைகளால் வருத்தங்கள் போன்றவைகளில் அவஸ்தைப்பட்டுக் கொண்டிருக்கும் கன்னியினருக்கு ஆறுதல் தரும் மாதம் இது. பெண்களுக்கு குறைகள் ஏதும் இல்லை. அம்மா வழி ஆதரவும் ஆசிகளும் உண்டு. பிள்ளைகளால் நல்ல விஷயங்களும், தொலைதூரங்களில் இருக்கும் பிள்ளைகளிடம் இருந்து நல்ல செய்திகளும் கிடைக்கும். கடந்த சிலமாதங்களாக சனி ஆறில் அமர்ந்து உங்களுக்கு தைரியத்தையும், தெம்பையும் கொடுத்துக் கொண்டிருக்கிறார். அதே போல இந்த மாதம் முழுவதும் மூன்றாம் இடத்தில் செவ்வாய் இருப்பது உங்களுக்கு பொருளாதார உயர்வுகளை தரும் அமைப்பு என்பதால் சிக்கல்கள் எதுவும் டிசம்பர் மாதம் இல்லை. பிறக்க இருக்கும் புத்தாண்டு உங்களுக்கு நல்லவைகளை மட்டுமே தருவதற்கு ஆதார மாதம் இது.
3,5,7,10,11,12,19,20 ஆகிய நாட்களில் பணம் வரும். 21ம் தேதி இரவு 10:09 - 24 ஆம் தேதி அதிகாலை 3:17 வரை சந்திராஷ்டம தினம் என்பதால் புதிய முயற்சிகள் எதையும் இந்த நாட்களில் செய்ய வேண்டாம். மனம் ஒரு நிலையில் இல்லாது அலைபாய்ந்து கொண்டிருக்கும் என்பதால் இந்த நாட்களில் யாருடனும் வாக்கு வாதம் செய்யாதீர்கள்.
No comments :
Post a Comment