மீனம்: 2023 செப்டம்பர் மாத ராசி பலன்கள் #astrologeradityagurujimonthlyrasipalan

 

ஜோதிடக்கலை அரசு ஆதித்யகுருஜி

கைப்பேசி : +91 9768 99 8888

மீனம்:

ராசிநாதன் குரு, தனஸ்தானமான இரண்டாம் இடத்தில் இருக்க, யோகாதிபதி செவ்வாய் கேந்திர பலத்தோடு, ராசியைப் பார்ப்பதால் மீன ராசிக்காரர்களுக்கு இது அட்டகாசமான மாதம்தான். கூடுதலாக மாதத்தின் முதல் இரண்டு வாரங்கள் சூரியன், குருவின் பார்வையில், ஆறாமிடத்தில் இருப்பதால், இதுவரை கிடைக்காது என்று கை விட்ட பணம் திரும்ப கிடைத்தல் அல்லது பங்குச்சந்தை, சூதாட்டம், யூக வணிகம் போன்ற அமைப்புகளின் மூலமாக பணம் வருதல், இணைய அமைப்புகளில் பணம் சம்பாதித்தல், சமூக ஊடகங்கள் கை கொடுத்தல் என நல்லவைகள் மட்டுமே மீன ராசிக்கு நடக்கக்கூடிய மாதம் இது.

கடந்த சில மாதங்களாக சங்கடங்களில் இருக்கும் மீனத்தினர் கூட இனிமேல் அனைத்து சிக்கல்களில் இருந்தும் விடுபட தொடங்குவீர்கள். இனிமேல் உங்களுக்கு நல்ல காலம்தான். சோதனைகள் முடியப் போகிறது. உங்களில் சிலருக்கு இந்த மாதம் ஆன்மீக ஈடுபாடு அதிகமாக இருக்கும். நீண்ட நாளாக தரிசிக்க நினைத்திருந்த புனிதத்தலங்களை இப்போது தரிசிக்க முடியும். மகான்களின் ஆசி கிடைக்கும். சித்தர்கள் அடங்கிய ஜீவசமாதிக்கு சென்று வர முடியும். குலதெய்வ வழிபாடு செய்வீர்கள். தந்தைவழி உறவில் நன்மைகள் உண்டு. கணவன் மனைவி உறவு சுமுகமாய் இருக்கும். வீடு வாகனம் போன்றவைகளில் ஏதேனும்  ஒன்று வாங்கும் முயற்சியில் இறங்குவீர்கள். ஒருசிலர் இந்த மாதம் வாங்கவும் செய்வீர்கள்.

வேலை தொழில் வியாபாரம் போன்றவைகளில் எரிச்சலூட்டும் சம்பவங்கள் நடக்கும். வியாபாரிகள் வேலைக்காரர்களை நம்பி பொறுப்புகளை ஒப்படைக்க வேண்டாம். பெண்களுக்கு பணிபுரியும் இடங்களில் நல்ல நிகழ்ச்சிகள் இருக்கும். சிலருக்கு பதவி உயர்வுகள் உண்டு. கணவர் உங்கள் பேச்சுக்கு மதிப்பு கொடுப்பார். தாமதித்து வந்த வேலை வாய்ப்புக்கள் நல்லபடியாக கிடைக்கும். பணியில் இருப்போருக்கு சிக்கல்கள் தீரத் தொடங்கும். செலவுகளை சுருக்க வேண்டியது அவசியம். வீண் செலவுகள் செய்யாதீர்கள். மாணவர்கள், தொழிலாளர்கள், கலைஞர்கள், வியாபாரிகள், சுயதொழில் செய்பவர்கள், விமான நிலையங்களில் பணிபுரிபவர்கள், இன்ஜினியர்கள், ஏற்றுமதி இறக்குமதியாளர்கள் உள்ளிட்ட துறையினருக்கு நல்ல பலன்கள் நடைபெறும்.

2,3,4,5,6,9,11,13,14,15 ஆகிய நாட்களில் பணம் வரும். 17-ந்தேதி இரவு 11:07 மணி முதல் 20-ந்தேதி காலை 8:44 மணி வரை சந்திராஷ்டம நாட்கள் என்பதால் மேற்கண்ட நாட்களில் உங்களின் புதிய முயற்சிகள், ஆரம்பங்கள் எதையும் செய்ய வேண்டாம். விரிவாக்கங்கள், கிளைகள் ஆரம்பித்தல் போன்றவைகளையும் செய்யக்கூடாது.

அலுவலக நேரம்: 10:00 AM - 6:00 PM 

தொடர்பு எண்கள் செல்: +91 9768 99 8888,  8870 99 8888, 8681 99 8888 +91 44 2435 8888, +91 44 4867 8888

குருஜி அவர்களின் கட்டுரை மற்றும் ராசிபலன்களை whatsapp ல் பெற  +91 8428 99 8888 என்ற எண்ணிற்கு தகவல் தரவும்.