ரிஷபம்: 2023 செப்டம்பர் மாத ராசி பலன்கள் #astrologeradityagurujimonthlyrasipalan

 

ஜோதிடக்கலை அரசு ஆதித்யகுருஜி

கைப்பேசி : +91 9768 99 8888 

ரிஷபம்:

ரிஷப ராசிக்காரர்களுக்கு பெரிய சோதனைகள் எதுவும் வராத மாதம் இது. ராசிநாதன், சுக்கிரன் நீடித்த நிலையில் இப்போது வக்கிர அமைப்பில் மூன்றாமிடத்தில் இருக்கிறார். மனதைத் தளர விடவேண்டாம். ராசியின் யோகர்களான சனியும், புதனும் நல்ல நிலையில் இருப்பதால் தொந்தரவுகள் எதுவும் இருக்காது. இப்போது கஷ்டப்பட்டுக் கொண்டிருக்கும் உங்களில் சிலருக்கு கூட இந்த வருடத்தோடு உங்கள் பிரச்னைகள் அத்தனையும் ஒழியும் என்பது உறுதி. தனாதிபதி புதன் குருவின் பார்வையால் சுபத்தன்மை அடைவதால் தொழில் மூலம் வருமானங்கள் இருக்கும். எனவே எவ்வளவு பிரச்னை இருந்தாலும் பணத்தட்டுப்பாடு இருக்காது. செலவுக்கேற்ற பணவரவு இருக்கும். கவலைப்படத் தேவையில்லாத மாதம் இது.

தொழில் ஸ்தானாதிபதி சனி பத்தாம் இடத்தில் ஆட்சியாக இருப்பது பிரச்னைகளில் இருந்து உங்களைப் பாதுகாக்கும் கவசம் என்பதால் இந்த மாதத்தில் இருந்து சற்று நிம்மதியாக உணருவீர்கள். வேலை, தொழில், வியாபாரம், விவசாயம் போன்ற அமைப்புகளில் அனைத்தும் இனி நல்லதாய் நடக்கும். அதே நேரம் புதனுக்கு சனி பார்வை இருப்பதால் சொன்ன சொல்லை காப்பாற்றுவது கடினம். அவசரப்பட்டு யாருக்கும் உதவி செய்வதாக வாக்கு கொடுக்க வேண்டாம். நிறைவேற்றுவது கடினம். பொருளாதார நிலைமை கெடாது. பணம் இருந்தால் எதையும் சமாளிக்கலாம் என்பதால் இனிமேல் எதையும் சமாளிக்கும் துணிவு வரும்.

வாழ்க்கைத்துணை விஷயங்களில் விட்டுக் கொடுத்து போங்கள். வீண் ஈகோவை தவிர்ப்பதால் குடும்பத்தில் பிரச்னைகள் எதுவும் வராமல் தடுக்கலாம். எந்த ஒரு விஷயத்திலும் அவசரம் வேண்டாம். பணி இடங்களில் வீண் வாக்குவாதத்தை தவிருங்கள். அரசு, தனியார்துறை ஊழியர்கள் நன்மைகளை பெறுவார்கள். குறிப்பாக காவல் துறையினருக்கு நல்ல பலன்கள் நடக்கும். வேலை, வியாபாரம் தொழில் போன்ற அனைத்தும் நல்ல லாபத்துடன் இயங்கும். பணவரவு சிறப்பாக இருக்கும். கலைத்துறையினருக்கு நல்ல வாய்ப்புக்கள் உண்டு. அலைச்சல்கள் அதிகமாக இருக்கும். கைக்கெட்டும் தூரத்தில் மதிய உணவு இருந்தாலும் எடுத்து சாப்பிடுவதற்கு நேரம் இருக்காது. தாயார் வழி நன்மைகள் உண்டு பெண்கள் சம்பந்தப்பட்ட இனங்கள், சிற்றுண்டி விடுதி, லாட்ஜிங், வாகனங்கள், வாடகை, கலைத்துறை, டெக்ஸ்டைல்ஸ் போன்ற துறைகளில் இருப்பவர்களுக்கு வருமானம் வரும்.

3,5,7,8,9,12,13,14,15,16 ஆகிய நாட்களில் பணம் வரும். 22-ந்தேதி மதியம் 3:34 மணி முதல் 24-ந்தேதி இரவு 7:18 மணி வரை சந்திராஷ்டம நாட்கள் என்பதால் மேற்கண்ட நாட்களில் கவனமாக இருப்பது நல்லது. எவருடனும் வாக்குவாதத்தில் ஈடுபட வேண்டாம். சண்டை வந்தாலும் ஒதுங்கி போவது நல்லது.

அலுவலக நேரம்: 10:00 AM - 6:00 PM 

தொடர்பு எண்கள் செல்: +91 9768 99 8888,  8870 99 8888, 8681 99 8888 +91 44 2435 8888, +91 44 4867 8888

குருஜி அவர்களின் கட்டுரை மற்றும் ராசிபலன்களை whatsapp ல் பெற  +91 8428 99 8888 என்ற எண்ணிற்கு தகவல் தரவும்.