மிதுனம்-2019 ஜூலை மாத ராசி பலன்கள்

ஜோதிடக்கலை அரசு ஆதித்யகுருஜி

கைப்பேசி : 8681 99 8888

மிதுனம்: 

கடந்த சில வாரங்களாக ராசியில் அமர்ந்து உங்கள் மனதைக் கலங்கடிக்கும் விஷயங்களைச் செய்து கொண்டிருந்த செவ்வாய் ராசியில் இருந்து விலகி விட்டது மிதுனத்திற்கு மிகவும் நன்மை தரும் ஒரு அமைப்பு. இனி மிதுனத்திற்கு குழப்பங்கள், சங்கடங்கள் இல்லை. ஜூலை மாத முற்பகுதியில் மிதுன நாதன் புதன் குருவின் பார்வையில் வலுவான நிலையில் இருப்பதால் மிதுனத்திற்கு ஜூலை நன்மைகளைத் தரும் மாதம்தான். குருபகவான் இரண்டைப் பார்ப்பதால் ஆசிரியர்கள், வழக்குரைஞர்கள், பேச்சை நம்பி தொழில் செய்பவர்கள், மார்க்கெட்டிங் துறையினர் போன்றவர்களுக்கு இந்த மாதம் நல்லபலன்கள் இருக்கும். குடும்பத்தில் சுப நிகழ்ச்சிகள் நடைபெற ஆரம்பங்கள் உண்டு. வயதானவர்களுக்கு பேரன், பேத்திகளைப் பற்றிய நல்ல செய்திகள் கிடைக்கும். நவகிரக சுற்றுலா போவீர்கள். 

மிதுனத்திற்கு அந்தஸ்து, மதிப்பு கிடைக்கும் நிலையும் தாராளமான பணவரவும் உள்ள மாதம் இது. தந்தை வழி உறவினருடன் உரசல்கள், கருத்து வேற்றுமை ஏற்படும் என்பதால் வார்த்தைகளில் கவனமாக இருப்பது நல்லது. கலைஞர்கள், விவசாயிகள், வியாபாரிகள் போன்ற துறையினருக்கு இது சிறந்த மாதம் என்பதில் சந்தேகம் எதுவும் இல்லை. பழைய கடன்களை அடைக்க புதிய கடன் வாங்க வேண்டி இருக்கலாம். தேவையின்றி யாரையும் பகைத்துக் கொள்ள வேண்டாம். குடும்பத்தில் உற்சாகமும், செல்வச் செழிப்பும் இருக்கும். சகாய ஸ்தானாதிபதி சூரியன் ராசியில் இருப்பதால் சிலருக்கு தூர தேசங்களில் இருந்தும் தொலைவான இடங்களில் இருந்தும் உதவிகள் கிடைக்கும். 

என்ன பிரச்னை என்றாலும் கொடுக்கும் வாக்கை காப்பாற்ற முடியும். இழுபறியில் இருந்து வந்த விஷயங்கள் செட்டில் ஆகி லாபம் வரும். சிலருக்கு வெளிநாடு தொடர்பான காண்ட்ராக்ட் விஷயங்கள், இரும்பு மற்றும் பிளாஸ்டிக் பெட்ரோல் போன்ற விஷயங்கள் குறிப்பாக அரபு நாடுகள் தொடர்பான விஷயங்களில் வெற்றிகளும், லாபங்களும் இருக்கும். மிதுனம் என்றாலே வெற்றிதான் என்பதை இந்த மாதம் உங்கள் செயல்களால் மற்றவர்களுக்கு புரிய வைப்பீர்கள். நீண்ட நாட்களாக முயற்சி செய்தும் கிடைக்காத சில விஷயங்கள் இப்போது சுலபமாக கிடைக்கும். எதிர்ப்புகள் விலகும். உங்களைப் பிடிக்காதவர்கள் உங்களைக் கண்டாலே ஒளிந்து ஓடுவார்கள். 

4,8,9,12,14,18,21,22,26,30 ஆகிய நாட்களில் பணம் வரும். 17-ம்தேதி அதிகாலை 3.15 மணி முதல் 19-ந்தேதி மாலை 2.58 மணி வரை சந்திராஷ்டம நாட்கள் என்பதால் எந்த ஒரு விஷயத்திலும் கவனத்துடனும் நிதானத்துடனும் செயல்படுவது நன்மையை தரும்.

தொடர்பு எண்கள். செல்.8681 99 8888, 8870 99 8888, 8428 99 8888, 7092 77 8888, 8754 008888, 044-24358888, 044-48678888.

குருஜி அவர்களின் கட்டுரை மற்றும் ராசிபலன்களை whatsapp ல் பெற 8428 99 8888 என்ற எண்ணிற்கு தகவல் தரவும்.