ரிஷபம்: 2021 மே மாத ராசி பலன்கள்

 

ஜோதிடக்கலை அரசு ஆதித்யகுருஜி

கைப்பேசி : +91 8286 99 8888 

ரிஷபம்:

மாதம் முழுவதும் நன்மை தரும் இடங்களில் ராசிநாதன் சுக்கிரன் இருப்பது ரிஷபத்திற்கு நல்ல பலன்களை செய்யக்கூடிய ஒரு அமைப்பு. குறிப்பாக ராசியிலேயே அவர் ஆட்சியாகவும் இருப்பதால் இந்த மாதம் உங்களுக்கு சந்தோஷ மாதமே. குறிப்பாக இளைஞர்களுக்கு மே மாத பிற்பகுதியில் இருந்து தொழில், வேலை, குடும்பம் ஆகியவற்றில் நல்ல விஷயங்கள் நடந்து சந்தோஷம் இருக்கும். மே பதினைந்தாம் தேதிக்கு பிறகு ரிஷபத்தினர் சந்தோஷமாக இருப்பீர்கள்.

மாத பிற்பகுதியில் ராசிநாதன் சுக்கிரனுக்கு ராகுவின் தொடர்பு விலக உள்ளதால் இன்னும் இரண்டு வாரங்களில் உற்சாக நிலையை அடைவீர்கள். உங்களில் சிலருக்கு வேலை செய்யும் இடங்களிலும் தொழில் அமைப்புகளிலும்  மறைமுகமான எதிரிகள் உருவானாலும் அவர்களது முயற்சி பலிக்காது. ரிஷபத்திற்கு இனிமேல் எதிலும் தோல்வி இல்லை. அந்தஸ்து, கௌரவம், சிந்தனை, செயல்திறன்  மேலோங்கிய நிலையில் இருக்கும். குடும்ப ஸ்தானம் வலுப்பெறுவதால் குடும்பத்தில் மகிழ்ச்சி இருக்கும். துணைவர் விஷயத்தில் கருத்து வேறுபாடுகள் விலகும். பிரிந்த தம்பதிகள் ஒன்று சேருவார்கள்.

வாழ்க்கை இப்போது முன்னேற்றப் பாதையில் இருக்கும். இதுவரை முயற்சி செய்தும் நடைபெறாத பல விஷயங்கள் இனிமேல் தெய்வத்தின் அருளால் முயற்சி இல்லாமலேயே வெற்றி பெறும். இதுவரை நல்லது நடக்க ஆரம்பிக்காத சிலருக்கு கஷ்டங்கள் முடிவுக்கு வரும். வாழ்க்கையே இனிமேல் புதிய பாதையில் நல்ல விதமாக செல்லத் துவங்கும். உங்களைப் புரிந்து கொள்ளாமல் உங்களிடமிருந்து விலகி இருந்தவர்கள் தற்போது பக்கத்தில் வருவார்கள்.

பெண்களுக்கு இது உற்சாகமான மாதம். குடும்பத்தில் நீங்கள் சொல்லும் யோசனைகள் ஏற்கப்படும். இளைஞர்கள், மாணவர்கள் படிப்பில் கவனம் செலுத்த வேண்டும். பெண்கள் விஷயத்தில் கவனம் சிதறும். இளைய பருவத்தினருக்கு புதிய நட்புகள் கிடைக்கும். சிலர் எதிர்கால வாழ்க்கைத் துணைவரை சந்திப்பீர்கள். சுக்கிரன் வலுப்பெறுவதால் பெண்கள் விஷயத்தில் லாபம் இருக்கும். அலுவலகத்தில் மேலதிகாரியாக பெண்கள் இருந்தால் அவர்கள் பேச்சைக் கேட்பது நல்லது.

1,2,3,5,6,15,19,20,26,28,30 ஆகிய நாட்களில் பணம் வரும். 27 ம் தேதி இரவு 10.29  முதல் 29 ம் தேதி இரவு 11.39 மணி வரை  சந்திராஷ்டம நாட்கள் என்பதால் இந்த நாட்களில் புதிய முயற்சிகளோ நீண்ட தூரப் பிரயாணங்களோ வேண்டாம். யாருடனும் வாக்குவாதமோ சண்டையோ செய்யாதீர்கள்.

அலுவலக நேரம்: 10:00 AM - 6:00 PM 

தொடர்பு எண்கள் செல்: +91 9768 99 8888,  8870 99 8888, 8681 99 8888 +91 44 2435 8888, +91 44 4867 8888

குருஜி அவர்களின் கட்டுரை மற்றும் ராசிபலன்களை whatsapp ல் பெற  +91 8428 99 8888 என்ற எண்ணிற்கு தகவல் தரவும்.