மேஷம்: 2021 மே மாத ராசி பலன்கள்

 

ஜோதிடக்கலை அரசு ஆதித்யகுருஜி

கைப்பேசி : +91 8286 99 8888 

மேஷம்:

மே மாதம் மேஷத்தின் குறைகள் தீரும். கடந்த சில வாரங்களில் தொழில், வேலை போன்றவைகளை வழக்கம்போல செய்ய முடியாமல் மன அழுத்தத்திற்கு உள்ளாகி இருந்தவர்களின் வேதனைகள் தீரும் மாதமிது. மாதம் முழுவதும் ராசிநாதன் செவ்வாய் குருவின் பார்வை பெறும் நிலை பெறுவதால், 15-ஆம் தேதிக்கு பிறகு உங்களில் சிலர் வயது, தகுதி, இருப்பிடத்திற்கு ஏற்றார்போல தொழில், குடும்பம் போன்றவற்றில் நன்மைகளை அனுபவிப்பீர்கள். விருப்பமில்லாத பணியில் அனைத்தையும் சகித்துக் கொண்டு வேலை செய்யும்  இளைஞர்களுக்கு இப்போது மாற்றங்கள் வரும். மேஷத்திற்கு நன்மைகளைத் தரும் மாதம் இது

குரு பார்வை அமைப்பால் எந்த ஒரு நிலையிலும் தொழில் வேலை வியாபாரம் போன்ற அமைப்புகளில் நஷ்டங்கள் வந்து விடப்போவதில்லை. தற்போதைய கொரோனா பாதிப்பு மேஷ ராசிக்காரர்களுக்கு நீண்டகால கெடுதல்களைச் செய்யாது. உங்களில் சிலருக்கு இந்த மாதம் எதிர்பாராத இடத்திலிருந்து கிடைக்கும் உதவியால் நல்ல திருப்பங்களும் வரவுகளும் இருக்கும். சிலருக்கு இனி வரப் போகும் நன்மைகளுக்கான ஆரம்பங்களும், அறிமுகங்களும் இப்போது தெரியும். இளைய பருவத்தினருக்கு மே மாதம் மேன்மையை தரும்.

கடந்த மாதம் வேலை, தொழில் போன்ற ஜீவன அமைப்புகளில் சிக்கல்களை சந்தித்தவர்கள், சொந்த வாழ்க்கையில் மனஅழுத்தம் தரும் நிகழ்வுகளை எதிர் கொண்டவர்கள், கடன்தொல்லை, வழக்கு போன்றவைகளால் நிம்மதி இழந்தவர்களுக்கு இனிமேல் நிம்மதி உண்டு. சகோதரர்களிடம் இருந்து வந்த  கருத்து வேற்றுமை விலகும். உடன் பிறந்தவர்களுடன் விட்டுக் கொடுத்து போகவும். உடல்நல விஷயத்தில் கவனமாக இருக்கவும். சிறு ஆரோக்கியக் குறைவு என்றாலும் கூட மருத்துவரை அணுகுவது நல்லது. உங்களில் சிலர் அதிகமாக யோசித்துச் செயல்படும் குணமுடையவர்கள் என்பதால் மனக் குழப்பத்தில் இருப்பீர்கள். இந்த மாதம் நடக்க இருக்கும் சில மாற்றங்கள் உங்களுக்கு நன்மைகளைத் தர இருப்பதால் எதிலும் எதிர்மறையாக யோசிக்காமல் நல்லவிதமாக செயல்பட்டு உயர்வுகளை பெறுங்கள்.

2,5,11,13,15,17,18,24,25,28,30 ஆகிய நாட்களில் பணம் வரும். 25 ம் தேதி இரவு  10.55  மணி முதல் 27 ம் தேதி இரவு 10.29 மணி வரை சந்திராஷ்டம நாட்கள் என்பதால் புதிய முயற்சிகளோ நீண்ட தூரப் பிரயாணங்களோ வேண்டாம். யாருடனும் வாக்குவாதமோ சண்டையோ செய்யாதீர்கள்.

அலுவலக நேரம்: 10:00 AM - 6:00 PM 

தொடர்பு எண்கள் செல்: +91 9768 99 8888,  8870 99 8888, 8681 99 8888 +91 44 2435 8888, +91 44 4867 8888

குருஜி அவர்களின் கட்டுரை மற்றும் ராசிபலன்களை whatsapp ல் பெற  +91 8428 99 8888 என்ற எண்ணிற்கு தகவல் தரவும்.