சிம்மம்: 2021 மே மாத ராசி பலன்கள்

 

ஜோதிடக்கலை அரசு ஆதித்யகுருஜி

கைப்பேசி : +91 8286 99 8888 

சிம்மம்:

மாதம் முழுவதும் ராசிநாதன் சூரியன் நல்ல பலன்களைத் தரக் கூடிய நிலையில் இருக்கிறார். மாத ஆரம்பத்தில் உச்சமாகவும் மாதத்தின் பிற்பகுதியில் சுபரின் வீட்டிலும் அவர் இருப்பது சிம்மத்திற்கு யோக பலன்களை தரக்கூடிய ஒன்று. குறிப்பாக குரு தனது ஏழாம் பார்வையால் ராசியைப் பார்ப்பது  சிம்மத்திற்கு இந்த மாதம் நன்றாக இருக்கும் என்பதைக் காட்டுகிறது. ராசியோ, ராசிநாதனும் குருவின் பார்வையில் இருக்கும்போது அந்த ராசியினருக்கு சந்தோஷம் தரக் கூடிய நிகழ்வுகள் நடக்கும் என்பதும் ஜோதிடவிதி. அதன்படி மே மாத முழுவதும் ராசி, குருவின் பார்வையில் வருவதால் இதுவரை இருந்த பிரச்னைகள் நீங்கும் மாதம் இது.

இந்தமாதம் சிம்மத்தினர் அந்தஸ்து, கௌரவம் பெறக்கூடிய சந்தர்ப்பங்களை அடைவீர்கள். பொதுவாக சிம்மத்தினர் நேர்மையானவர்களாக, தன்னம்பிக்கை உள்ளவர்களாக, அடுத்தவர்களை வாழ வைப்பவர்களாக இருப்பீர்கள். இதுவே உங்களுக்கு மிகப் பெரிய கண் திருஷ்டியாக அமையும். சிலருக்கு மாத ஆரம்பத்திலேயே வருமானங்களும், சந்தோஷங்களும் இருக்கும். இளைய பருவத்தினருக்கு திருமணம், வேலை, குழந்தை பாக்கியம் போன்ற நல்ல விஷயங்கள் இருக்கும். இன்னும் சில காலத்திற்கு கிரகநிலைகள் சாதகமாக இருப்பதால் சிம்ம ராசிக்காரர்கள் துணிவுடன் செய்யும் முயற்சிகள் அனைத்தும் வெற்றி பெறும். ராகு பத்தாமிடத்தில் வலுவாக இருப்பதால் சிலருக்கு அரபு நாடுகளில் வேலை, தொழில் போன்ற தொடர்புகள் ஏற்படும். இஸ்லாமிய நண்பர்கள் உதவுவார்கள்.

சிம்ம ராசியினர் நல்ல விஷயங்களை இந்த மாதம் உணர முடியும். ஆகாதவர் என்று தெரிந்தும் அவருடன் சிரித்துப் பேச வேண்டிய சூழ்நிலை வரும். எதையும் சகித்து கொண்டு இணக்கமாக போக வேண்டிய மாதம் இது. சிலர் தேவையற்ற விவகாரங்களில் மூக்கை நுழைத்து காசை விரயம் செய்வீர்கள். பணத்தை கொடுக்கும் முன் இரண்டு முறை யோசியுங்கள். இளைஞர்களுக்கும் நடுத்தர வயதுகளில் இருப்பவர்களுக்கும் வேலை, தொழில் போன்ற அமைப்புகளில் மாற்றங்கள் உருவாகும். அனைத்திலும் சிறிது தடைகள் இருப்பதாகத் தோன்றினாலும் கடைசியில் உங்களுக்கு சாதகமாகவே முடியும். சிம்மத்தினர் தங்களின் மன உறுதியினால் சாதிக்கும் மாதம் இது.

2,9,10,15,17,18,19,25,26,27,28 ஆகிய நாட்களில் பணம் வரும். 7ம் தேதி காலை 5.54 மணி முதல் 9ம் தேதி மாலை 5.28 மணி வரை சந்திராஷ்டம நாட்கள் என்பதால் புதிய முயற்சிகளோ நீண்ட தூரப் பிரயாணங்களோ வேண்டாம். யாருடனும் வாக்குவாதமோ சண்டையோ செய்யாதீர்கள்.

அலுவலக நேரம்: 10:00 AM - 6:00 PM 

தொடர்பு எண்கள் செல்: +91 9768 99 8888, 8286 99 8888, 8870 99 8888, 8681 99 8888 +91 44 2435 8888, +91 44 4867 8888

குருஜி அவர்களின் கட்டுரை மற்றும் ராசிபலன்களை whatsapp ல் பெற  +91 8428 99 8888 என்ற எண்ணிற்கு தகவல் தரவும்.