துலாம்: 2020 மே மாத ராசி பலன்கள்

ஜோதிடக்கலை அரசு ஆதித்யகுருஜி

கைப்பேசி : +91 9768 99 8888

துலாம்:

முயற்சிகளுக்கு பின்பு வெற்றிகளை பெறுகின்ற அமைப்பு இந்த மாதம் துலாமுக்கு இருக்கிறது. இளையபருவத்தினருக்கு  வாழ்க்கையின் முக்கியமான நிகழ்வுகள் இப்போது இருக்கும். அது யாரேனும் ஒருவரை சந்திப்பதாக இருக்கலாம் அல்லது உங்கள் வாழ்க்கையை மாற்றக்கூடிய ஒரு சம்பவம் நடக்க கூடிய அமைப்பாக இருக்கலாம். ராசிநாதன் சுக்கிரன் மாதம் முழுவதும் வலிமையான அமைப்பில் இருப்பதால் துலாத்தினர் அனைவரும் தங்களுடைய வயதிற்கு ஏற்றார்போல நன்மைகளை அனுபவிப்பீர்கள்.

கொரோனாவின் தாக்கத்தினால் கடந்த சில வாரங்களாக பொருளாதார பிரச்சினைகளை சந்தித்தவர்கள் கூட மே மாதம் கஷ்டங்கள் நீங்கி வேலை, தொழில் அமைப்புகளில் சந்தோஷமாக இருப்பீர்கள். ராசிநாதன் சுக்கிரன் ஆட்சியாக இருப்பது யோகம் என்பதால் எது நடந்தாலும் மன  தைரியத்துடன் சமாளிப்பீர்கள். கடந்த சில வாரங்களாக உலகையே ஆட்டி வைத்துக் கொண்டிருக்கும் கொரானா வைரஸ் பீதி உங்களையும் விட்டு வைக்கவில்லை. எல்லோரின் தொழில், வேலை, வியாபாரம் பாதிக்கப்பட்டதுபோல துலாம் ராசிக்காரர்களும் பாதிப்பு அடைந்தார்கள்.

உலகம் அனைத்தையும் ஒட்டுமொத்தமாக பாதிக்கக்கூடிய பிரபஞ்ச ஜோதிட விதி செயல்பட்டுக் கொண்டிருக்கும்போது தனிமனித ஜோதிட விதிகள் செயலற்றுப் போய்விடும் என்பதன்படி உலகில் அனைவருமே தற்போது நன்றாக இல்லை. எல்லோரும் ஏதேனும் ஒருவகையில் பாதிக்கப்பட்டுத்தான் இருக்கிறோம். இந்த நிலைமை மே 15ஆம் தேதிக்கு பிறகு படிப்படியாக குறையும். குறிப்பாக நீங்கள்  ஆகஸ்ட் மாதத்திற்குப் பிறகு நன்றாக இருக்கக்கூடிய சில மாற்றங்கள் இருக்கும் மாதமிது பிள்ளைகள் விஷயத்தில் நல்ல பலன்கள் நடைபெறும். நீண்டநாள் நினைத்திருந்த ஒரு காரியம் சாதகமாக நடைபெறும். சிலருக்கு அந்நிய இன மத மொழிக்காரர்களால் ஆதரவும் தகுந்த நேரத்தில் உதவியும் கிடைக்கும். கடன் தொல்லை எல்லை மீறாது. சிலருக்கு உஷ்ணம் சம்பந்தமான பிரச்னைகள் இருக்கும். சிலருக்கு ஆன்மீக எண்ணங்கள் அதிகமாக இருக்கும்.

2,5,11,19,20,21,22,24,25,28,30 ஆகிய நாட்களில் பணம் வரும். 22 ம் தேதி காலை 7.37  மணி முதல் 24ம் தேதி மாலை 5.34 மணி வரை சந்திராஷ்டம நாட்கள் என்பதால் புதிய முயற்சிகளோ நீண்ட தூரப் பிரயாணங்களோ வேண்டாம். யாருடனும் வாக்குவாதமோ சண்டையோ செய்யாதீர்கள்.

அலுவலக நேரம்: 10:00 AM - 6:00 PM 

தொடர்பு எண்கள் செல்: +91 9768 99 8888, 8286 99 8888, 9107 99 8888, 8870 99 8888, 8681 99 8888 +91 44 2435 8888, +91 44 4867 8888

குருஜி அவர்களின் கட்டுரை மற்றும் ராசிபலன்களை whatsapp ல் பெற  +91 8428 99 8888 என்ற எண்ணிற்கு தகவல் தரவும்.