மீனம்: 2021 டிசம்பர் மாத ராசி பலன்கள்

 

ஜோதிடக்கலை அரசு ஆதித்யகுருஜி

கைப்பேசி : +91 8286 99 8888

மீனம்:

மாதத்தின் பெரும்பகுதி நாட்கள் யோகாதிபதி செவ்வாய் ஒன்பதாம் வீட்டில் ஆட்சி பெறும் நிலையிலும், சூரியன் பத்தாமிடத்திலும் இருப்பதால் டிசம்பர் மாதம் மீன  ராசிக்காரர்களுக்கு தொல்லைகள் எதுவும் இல்லாத நல்ல மாதமாக இருக்கும். மாதம் முழுவதும் லாப ஸ்தானத்தில் சனியும், சுக்கிரனும் இணைந்த நிலையில் இருப்பதால் வேலை, தொழில் போன்ற வருமானம் வரும் அமைப்புகளில் நல்ல பலன்களை பெறுவீர்கள். குறிப்பாக சுக்கிர தசை, சுக்கிர புக்தி நடப்பவர்களுக்கு இந்த டிசம்பர் மாதத்தில் எதிர்பாராத பண வரவு இருக்கும்.

செவ்வாய், கேது இணைந்திருப்பதால் மனம் ஒரு நிலையில் இல்லாமல் இருப்பதற்கு வாய்ப்பு இருக்கிறது. சாதாரண சிறு விஷயத்திற்காக சண்டை போடுவீர்கள். சிறிய விஷயத்தைப் பெரிதாக்குவீர்கள் என்பதால் யாரிடமும் சண்டை போட வேண்டாம். கோபத்தைக் குறைத்து கொள்வது நல்லது. எந்த ஒரு வார்த்தையையும் பேசும் முன் யோசித்து பேசுவது நன்மை தரும். குறிப்பாக, வேலை செய்யும் இடங்களில் நிதானமும் எச்சரிக்கையும் தேவை. கடுமையான கோபத்தை தரும் செவ்வாய் ஆட்சியாக இருக்கிறார் என்பதை இளைய பருவத்தினர் நினைவில் கொள்வது நல்லது. உங்களில் ரேவதி நட்சத்திரத்தினருக்கு வயதுக்கேற்ற வகையில் வேலை, காதல், நட்பு போன்றவற்றில் ஏமாற்றங்கள் இருக்கும். கவனம்.

தந்தைவழி உறவினர்களால் கருத்து வேறுபாடு இருக்கும். சிலருக்கு தந்தையால் மருத்துவச் செலவுகள் இருக்கும். தந்தையால் விரையம், தந்தையே விரையம் என்ற கிரகநிலை உள்ளது. கவனம். புனித யாத்திரை செல்வீர்கள். ஞானிகள் தரிசனம் கிடைக்கும். ரியல் எஸ்டேட்காரர்கள், பில்டர்ஸ் போன்ற துறையினருக்கு தடைகள் நீங்கி, தொழில் முன்னேற்ற பாதையில் செல்லும். அரசு, தனியார்துறை ஊழியர்கள் நன்மைகளை அடைவார்கள். விவசாயிகள், மக்கள் பிரதிநிதிகள், மாணவர்கள் போன்றவருக்கு மாதம் முற்பகுதியில் சுமாரான பலன்களும் பிற்பகுதியில் அனைத்து நல்ல பலன்களும் நடக்கும். வெளிநாட்டில் இருந்து நல்ல செய்திகள் கிடைக்கும். வெளிநாடு சம்மந்தப்பட்ட வியாபாரம் செய்பவர்கள் லாபம் கிடைக்கப் பெறுவார்கள். வயதானவர்களுக்கு ஆரோக்கியம் மேம்படும்.

5,6,7,11,12,13,22,23 ஆகிய நாட்களில் பணம் வரும். மாத ஆரம்பத்தில் 1-ம் தேதி காலை 7.45 மணி முதல் 3-ம் தேதி காலை 8.27 வரையும், மாத பிற்பகுதியில் 28-ம் தேதி மாலை 4.44 முதல் 30-ம் தேதி மாலை 7.07 வரையும் சந்திராஷ்டம நாட்கள் என்பதால் இந்த நாட்களில் புதிய முயற்சிகள் எதையும் ஆரம்பிக்க வேண்டாம். இந்த தினங்களில் அறிமுகமாகும் ஒருவரின் மூலம் பின்நாட்களில் சிக்கல்கள் வரும் என்பதால் அனைத்திலும் கவனமாக இருப்பது நல்லது. 

அலுவலக நேரம்: 10:00 AM - 6:00 PM 

தொடர்பு எண்கள் செல்: +91 9768 99 8888, 8286 99 8888, 8870 99 8888, 8681 99 8888 +91 44 2435 8888, +91 44 4867 8888

குருஜி அவர்களின் கட்டுரை மற்றும் ராசிபலன்களை whatsapp ல் பெற  +91 8428 99 8888 என்ற எண்ணிற்கு தகவல் தரவும்.