மிதுனம்: 2020 மே மாத ராசி பலன்கள்

ஜோதிடக்கலை அரசு ஆதித்யகுருஜி

கைப்பேசி : +91 9768 99 8888

மிதுனம்:

மாதம் முழுவதும் நன்மை தரும் இடமான 10, 11, 12ஆம் இடங்களில் ராசிநாதன் புதன் இருப்பது மிதுனத்திற்கு நல்ல பலன்களை செய்யக்கூடிய ஒரு அமைப்பு. மே மாத பிற்பகுதியில் இருந்து மிதுனத்திற்கு தொழில், வேலை, குடும்பம் ஆகியவற்றில் நல்ல விஷயங்கள் நடந்து சந்தோஷம் இருக்கும். மே பதினைந்தாம் தேதிக்கு பிறகு மிதுனத்தினர் சந்தோஷமாக இருப்பீர்கள். அஷ்டமச் சனி, ராசியில் ராகு போன்ற கடுமையான கிரக நிலைகளாலும்,  பிரபஞ்ச ஜோதிட விதியின் அமைப்பால் பூமி முழுவதுமே கொரோனா வைரசால் பாதிக்கப்பட்ட காரணத்தினாலும், கடந்த சில வாரங்களாக மிதுன ராசியினர் மற்ற ராசியினரைக் காட்டிலும் அதிகமாக பாதிக்கப் பட்டிருக்கிறார்கள்.

குறிப்பாக உங்களுடைய பொருளாதார நிலை சொல்லிக்கொள்ள முடியாத ஒரு நிலையில் இருக்கிறது. எத்தனை பெரிய வசதி உள்ளவர்களாக இருந்தாலும், நிரந்தர தொழில் அமைப்புகளை கொண்டவர்களாக இருந்தாலும், கடந்த ஏப்ரல் மாதம் வயது, தகுதிக்கு ஏற்றார் போல மன அழுத்தத்தை அடைந்து விட்டீர்கள். அஷ்டமச் சனி நடக்கும் பொழுது நீங்கள் எதில் பெரிதும் நம்பிக்கை வைத்து இருக்கிறீர்களோ அதில் சகித்துக் கொள்ள முடியாத அளவிற்கு பின்னடைவுகள் இருக்கும். வாழ்க்கை என்பது எப்படிப்பட்டது என்பதை கற்றுக் கொடுக்கும் விதத்தில் தற்போதைய கிரக நிலைகள் உள்ளதால் ஆதாயம் ஏதும் இன்றி அனுபவங்கள் மட்டுமே கிடைக்கின்ற மாதமாக மே மாதம் இருக்கும்.

பிள்ளைகள் விஷயத்தில் மனக்குறை வரும். பருவ வயது குழந்தைகளை வைத்திருப்பவர்கள் அவர்களின் குறைகளை காது கொடுத்துக் கேளுங்கள். குழந்தைகளிடம் நட்புடன், கனிவாக இருங்கள். என்ன இருந்தாலும் அவர்கள் உங்களின் குழந்தைகள், உங்களின் உழைப்பும் சேமிப்பும் அவர்கள் நன்றாக இருப்பதற்காகத்தான் என்பதை மனதில் இருத்தி அவர்களின் பிரச்னைகளை அணுகுங்கள். ரிஸ்க் எடுக்கும் விஷயங்களை இந்த மாதம் மிதுனத்தினர் செய்யக் கூடாது. அடுத்தவரை நம்பிச் செய்யக் கூடிய விஷயங்களையும் செய்ய வேண்டாம். காலை வாரும் சம்பவங்கள் இருக்கும். சிறு விஷயங்களில் கூட கவனம் அதிகமாக தேவைப்படும்.

2,5,7,9,10,15,17,18,19,25 ஆகிய நாட்களில் பணம் வரும். 12ம் தேதி காலை 10.16  மணி முதல் 14 ம் தேதி இரவு 7.22 மணி வரை சந்திராஷ்டம நாட்கள் என்பதால் புதிய முயற்சிகளோ நீண்ட தூரப் பிரயாணங்களோ வேண்டாம். யாருடனும் வாக்குவாதமோ சண்டையோ செய்யாதீர்கள்.

அலுவலக நேரம்: 10:00 AM - 6:00 PM 

தொடர்பு எண்கள் செல்: +91 9768 99 8888, 8286 99 8888, 9107 99 8888, 8870 99 8888, 8681 99 8888 +91 44 2435 8888, +91 44 4867 8888

குருஜி அவர்களின் கட்டுரை மற்றும் ராசிபலன்களை whatsapp ல் பெற  +91 8428 99 8888 என்ற எண்ணிற்கு தகவல் தரவும்.