மீனம்: 2020 மே மாத ராசி பலன்கள்

ஜோதிடக்கலை அரசு ஆதித்யகுருஜி

கைப்பேசி : +91 9768 99 8888

மீனம்:

பெரும்பாலான கிரகங்கள் மீனத்திற்கு நல்ல பலனை தரக்கூடிய அமைப்பில்தான் இருக்கின்றன. லாபாதிபதி சனி எப்போதோ ஒருமுறை மட்டுமே வரக்கூடிய பதினொன்றாமிடத்தில் இருக்கிறார். ஆனாலும் பெரிய நன்மைகள் எதுவும் நடக்கவில்லை. சனிக்கு மந்தன் என்று பெயர். ஆகவே தற்போது பதினொன்றாம் இடத்தில் இருக்கும் சனி இன்னும் ஆறு மாதங்கள் கழித்துத்தான் உங்களுக்கு நல்ல பலன்களைத் தருவார். ஆகவே சனியின் நல்ல பலன்கள் கிடைப்பதற்கும் இன்னும் சில மாதங்கள் பொறுத்துத்தான் ஆக வேண்டும்.

கூடுதலாக உலகம் முழுமையும் ஒட்டுமொத்தமாக பாதிக்கப்படக் கூடிய வகையில் ஒரு பிரபஞ்ச விதி கொரோனா வைரஸ் என்ற வகையில் செயல்பட்டு கொண்டிருக்கும் பொழுது, தனிமனித ஜோதிட விதி செயலற்றுப் போகும் என்பதன்படி உலகில் உள்ள மனிதர்கள் அனைவரும் வைரஸ் தாக்கத்தினால் வீடுகளுக்குள் முடங்கிக் கிடக்கும் நிலையில் இருக்கிறோம். இதற்கு மீனத்தினரும் விதிவிலக்கில்லை. உங்கள் அனைவரின் வேலை தொழில் அமைப்புகள் பாதிக்கப்பட்டிருக்கின்றன. இந்த நிலைமை இம்மாத இறுதியில் இருந்து படிப்படியாக விலகும். ஜூலை மாத இறுதிக்கு பிறகே மீனத்துக்கு முழுமையான நன்மைகள் நடக்க ஆரம்பிக்கும்.

இந்த மாதத்தில் சூரியன் உச்சமாக இருக்கிறார். செவ்வாயும் வலுவாக இருக்கிறார். எனவே உங்களுக்கு நல்ல மாதம்தான் இது. இளைய பருவத்தினருக்கு வேலையில் குறைகள்  இருக்கும். அலுவலகத்தில் பெண்களின் கீழ் வேலை பார்ப்பவர்கள் கவனமாக இருக்க வேண்டும். குறைகள் அனைத்தும் தெய்வ அருளால் தீரும். நடப்பவை அனைத்தும் உங்களின் எதிர்கால முன்னேற்றத்திற்கு உறுதுணையாக இருக்கும் என்பதால் எதையும் முழுமனதுடன் ஏற்றுக் கொள்ள வேண்டியிருக்கும். அரசு, தனியார்துறை ஊழியருக்கு மாறுதல்கள் இருக்கும். கலைஞர்களுக்கு வாய்ப்புகள் இருந்தாலும் வரும் வருமானம் விரயமாகும். அதிகாரம் செய்யும் அமைப்பில் இருப்பவர்கள் எதிலும் ரகசியம் காப்பது நல்லது. சிலர் ஆன்மீக விஷயங்களில் ஈடுபாடு காட்டுவீர்கள்.

2,5,11,13,15,21,22,24,25,28,30 ஆகிய நாட்களில் பணம் வரும். 6ம் தேதி அதிகாலை 3.15 மணி முதல் 8ம் தேதி அதிகாலை 3.13 மணி வரை சந்திராஷ்டம நாட்கள் என்பதால் புதிய முயற்சிகளோ நீண்ட தூரப் பிரயாணங்களோ வேண்டாம். யாருடனும் வாக்குவாதமோ சண்டையோ செய்யாதீர்கள்.

அலுவலக நேரம்: 10:00 AM - 6:00 PM 

தொடர்பு எண்கள் செல்: +91 9768 99 8888, 8286 99 8888, 9107 99 8888, 8870 99 8888, 8681 99 8888 +91 44 2435 8888, +91 44 4867 8888

குருஜி அவர்களின் கட்டுரை மற்றும் ராசிபலன்களை whatsapp ல் பெற  +91 8428 99 8888 என்ற எண்ணிற்கு தகவல் தரவும்.