மேஷம்: 2020 மே மாத ராசி பலன்கள்

ஜோதிடக்கலை அரசு ஆதித்யகுருஜி

கைப்பேசி : +91 9768 99 8888

மேஷம்:

மே மாதம் முதல் மேஷத்தின் குறைகள் தீரும். கடந்த சில வாரங்களில் தொழில், வேலை போன்றவைகளை வழக்கம்போல செய்ய முடியாமல் மன அழுத்தத்திற்கு உள்ளாகி இருந்தவர்களின் வேதனைகள் தீரும் மாதமிது. மாத ஆரம்பத்தில் ராசிநாதன் செவ்வாய் பகைவரான சனியிடம் இருந்து விலகி தனியே இருக்கும் நிலை பெறுவதால், 15-ஆம் தேதிக்கு பிறகு உங்களில் சிலர் வயது, தகுதி, இருப்பிடத்திற்கு ஏற்றார்போல தொழில், குடும்பம் போன்றவற்றில் நன்மைகளை அனுபவிப்பீர்கள். மேஷத்திற்கு நன்மைகளைத் தரும் மாதம் இது

ராசிநாதன் செவ்வாய்க்கு சனியின் தொடர்பு விலக உள்ளதால் இன்னும் இரண்டு வாரங்களில் உற்சாக நிலையை அடைவீர்கள். உங்களில் சிலருக்கு வேலை செய்யும் இடங்களிலும் தொழில் அமைப்புகளிலும்  மறைமுகமான எதிரிகள் உருவானாலும் அவர்களது முயற்சி பலிக்காது. மேஷத்திற்கு இனிமேல் எதிலும் தோல்வி இல்லை. அந்தஸ்து, கௌரவம், சிந்தனை, செயல்திறன்  மேலோங்கிய நிலையில் இருக்கும். குடும்ப ஸ்தானம் வலுப்பெறுவதால் குடும்பத்தில் மகிழ்ச்சி இருக்கும். துணைவர் விஷயத்தில் கருத்து வேறுபாடுகள் விலகும். பிரிந்த தம்பதிகள் ஒன்று சேருவார்கள்.

பெண்களுக்கு இது உற்சாகமான மாதம். குடும்பத்தில் நீங்கள் சொல்லும் யோசனைகள் ஏற்கப்படும். கடந்த சில வாரங்களாக குடும்ப உறுப்பினர்கள் வீட்டிற்குள்ளேயே இருந்ததால் குடும்பத் தலைவிகள் எத்தனை பொறுப்பானவர்கள் என்பதை புரிந்து கொண்டிருக்கிறார்கள். இளைஞர்கள், மாணவர்கள் படிப்பில் கவனம் செலுத்த வேண்டும். பெண்கள் விஷயத்தில் கவனம் சிதறும். இளைய பருவத்தினருக்கு புதிய நட்புகள் கிடைக்கும். சிலர் எதிர்கால வாழ்க்கைத் துணைவரை சந்திப்பீர்கள். சுக்கிரன் வலுப்பெறுவதால் பெண்கள் விஷயத்தில் லாபம் இருக்கும். அலுவலகத்தில் மேலதிகாரியாக பெண்கள் இருந்தால் அவர்கள் பேச்சைக் கேட்பது நல்லது. கொரோனா பாதிப்பில் இருந்து நீங்கள் வெளியே வரும் மாதம் இது.

1,2,3,5,6,15,19,20,26,28,30 ஆகிய நாட்களில் பணம் வரும். 8ம் தேதி அதிகாலை 3.13 முதல் 10ம் தேதி அதிகாலை 5.02 மணி வரை  சந்திராஷ்டம நாட்கள் என்பதால் இந்த நாட்களில் புதிய முயற்சிகளோ நீண்ட தூரப் பிரயாணங்களோ வேண்டாம். யாருடனும் வாக்குவாதமோ சண்டையோ செய்யாதீர்கள்.

அலுவலக நேரம்: 10:00 AM - 6:00 PM 

தொடர்பு எண்கள் செல்: +91 9768 99 8888, 8286 99 8888, 9107 99 8888, 8870 99 8888, 8681 99 8888 +91 44 2435 8888, +91 44 4867 8888

குருஜி அவர்களின் கட்டுரை மற்றும் ராசிபலன்களை whatsapp ல் பெற  +91 8428 99 8888 என்ற எண்ணிற்கு தகவல் தரவும்.