சிம்மம்: 2020 மே மாத ராசி பலன்கள்

ஜோதிடக்கலை அரசு ஆதித்யகுருஜி

கைப்பேசி : +91 9768 99 8888

சிம்மம்:

மாதம் முழுவதும் ராசிநாதன் சூரியன் நல்ல பலன்களைத் தரக் கூடிய நிலையில் இருக்கிறார். மாத ஆரம்பத்தில் உச்சமாகவும் மாதத்தின் பிற்பகுதியில் சுபரின் வீட்டிலும் அவர் இருப்பது சிம்மத்திற்கு யோக பலன்களை தரக்கூடிய ஒன்று. குறிப்பாக செவ்வாய் தனது ஏழாம் பார்வையால் ராசியைப் பார்ப்பது  சிம்மத்திற்கு இந்த மாதம் நன்றாக இருக்கும் என்பதைக் காட்டுகிறது. ராசியோ, ராசிநாதனும் குருவின் பார்வையில் இருக்கும்போது அந்த ராசியினருக்கு சந்தோஷம் தரக் கூடிய நிகழ்வுகள் நடக்கும் என்பதும் ஜோதிடவிதி. அதன்படி மே மாத பிற்பகுதியில் ராசிநாதன் சூரியன், குருவின் பார்வையில் வருவதால் இதுவரை இருந்த பொருளாதார பிரச்னைகள் நீங்கும் மாதம் இது.

தனிமனித ஜோதிட விதி என்பது வேறு, உலகில் உள்ள ஒட்டு மொத்த மனித சமுதாயத்தை இயக்கும் பிரபஞ்ச ஜோதிட விதி என்பது வேறு. பூகம்பம், சுனாமி, கொள்ளை நோய் போன்ற உலகப் பேரழிவுகள் நடக்கும்போது தனிமனித ஜோதிட விதி செயலற்றுப் போய்விடும் என்பதை ஏற்கனவே எழுதியிருக்கிறேன்.  தற்போது 12-ராசிகளிலேயே சிம்ம ராசிக்காரர்களுக்கு நல்ல கோட்சார நிலைகள் இருந்தாலும், பிரபஞ்ச விதியினால் பிறந்த ஜாதகமும், கோட்சார நிலையும் செயல்படாது என்பதால் அனைவருமே வீடுகளுக்குள் கொரோனா வைரஸ் பாதிப்பினால் அடைபட்டுக் கிடக்கிறோம். இந்த நிலை மே 4-ஆம் தேதிக்குப் பிறகு சனியிடம் இருந்து செவ்வாய் விலகுவதால் மாறும்.

சிம்ம ராசியினர் நல்ல விஷயங்களை மாத பிற்பகுதியில் உணர முடியும். ஆகாதவர் என்று தெரிந்தும் அவருடன் சிரித்துப் பேச வேண்டிய சூழ்நிலை வரும். எதையும் சகித்து கொண்டு இணக்கமாக போக வேண்டிய மாதம் இது. சிலர் தேவையற்ற விவகாரங்களில் மூக்கை நுழைத்து காசை விரயம் செய்வீர்கள். பணத்தை கொடுக்கும் முன் இரண்டு முறை யோசியுங்கள். இளைஞர்களுக்கும் நடுத்தர வயதுகளில் இருப்பவர்களுக்கும் வேலை, தொழில் போன்ற அமைப்புகளில் மாற்றங்கள் உருவாகும். அனைத்திலும் சிறிது தடைகள் இருப்பதாகத் தோன்றினாலும் கடைசியில் உங்களுக்கு சாதகமாகவே முடியும். சிம்மத்தினர் தங்களின் மன உறுதியினால் சாதிக்கும் மாதம் இது.

2,9,10,15,17,18,19,25,26,27,28 ஆகிய நாட்களில் பணம் வரும். 17ம் தேதி காலை 7.14 மணி முதல் 19ம் தேதி இரவு 7.53 மணி வரை சந்திராஷ்டம நாட்கள் என்பதால் புதிய முயற்சிகளோ நீண்ட தூரப் பிரயாணங்களோ வேண்டாம். யாருடனும் வாக்குவாதமோ சண்டையோ செய்யாதீர்கள்.

அலுவலக நேரம்: 10:00 AM - 6:00 PM 

தொடர்பு எண்கள் செல்: +91 9768 99 8888, 8286 99 8888, 9107 99 8888, 8870 99 8888, 8681 99 8888 +91 44 2435 8888, +91 44 4867 8888

குருஜி அவர்களின் கட்டுரை மற்றும் ராசிபலன்களை whatsapp ல் பெற  +91 8428 99 8888 என்ற எண்ணிற்கு தகவல் தரவும்.